തിരുവനന്തപുരം: ബി.ഫാം (ലാറ്ററൽ എൻട്രി) 2017 കോഴ്സിലേക്ക് ഒന്നാംഘട്ട കേന്ദ്രീകൃത അലോട്ട്മെൻറിനുശേഷം കേരളത്തിലെ സർക്കാർ/സർക്കാർ നിയന്ത്രിത സ്വാശ്രയ/സ്വകാര്യ സ്വാശ്രയ ഫാർമസി കോളജുകളിൽ ഒഴിവുള്ള 74 സീറ്റുകൾ നികത്തുന്നതിനായി ഓൺലൈൻ അലോട്ട്മെൻറ് വ്യാഴാഴ്ച പ്രസിദ്ധീകരിക്കും. 2017 ലെ ബി.ഫാം (ലാറ്ററൽ എൻട്രി) കോഴ്സിലേക്കുള്ള പ്രവേശനത്തിനായി പ്രവേശന പരീക്ഷ കമീഷണർ തയാറാക്കി പ്രസിദ്ധീകരിച്ച റാങ്ക് ലിസ്റ്റിൽ ഉൾപ്പെട്ടിട്ടുള്ള എല്ലാ വിദ്യാർഥികൾക്കും പങ്കെടുക്കാം. നിലവിൽ അലോട്ട്മെൻറ് ലഭിച്ച വിദ്യാർഥികളുടെ ഹയർ ഓപ്ഷൻസ് പരിഗണിക്കും. പുതുതായി ഓൺലൈനായി ഓപ്ഷൻസ് നൽകാം. എന്നാൽ, അത്തരം വിദ്യാർഥികളെ ഒഴിവുള്ള സീറ്റുകളിലേക്ക് മാത്രമേ പരിഗണിക്കുകയുള്ളൂ. കൂടുതൽ വിവരങ്ങൾക്ക് www.cee.kerala.gov.in നിർദിഷ്ട തീയതികളിൽ കോളജുകളിൽ അഡ്മിഷൻ നേടാത്ത വിദ്യാർഥികളുടെ അലോട്ട്മെൻറും ഹയർഓപ്ഷനുകളും റദ്ദാകും. തുടർന്നുള്ള ഓൺലൈൻ അലോട്ട്മെൻറുകളിൽ അവരെ പരിഗണിക്കില്ല. ഹെൽപ്പ് ലൈൻ നമ്പരുകൾ: 0471 2339101, 2339102, 2339103, 2339104
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.