കൊച്ചി: കെ.എസ്.ആർ.ടി.സിയെ പുനരുദ്ധരിക്കാൻ നിയോഗിച്ച മാനേജ്മെൻറ് വിദഗ്ധൻ സുശീൽ ഖന്നയുടെ റിപ്പോർട്ടിലെ തൊഴിലാളിദ്രോഹ നിർദേശങ്ങൾ തള്ളിക്കളയണമെന്ന് കെ.എസ്.ആർ.ടി.സി വർക്കേഴ്സ് ഫെഡറേഷൻ സംസ്ഥാന കമ്മിറ്റി ആവശ്യപ്പെട്ടു. തൊഴിലാളികളുടെ അധ്വാനഭാരം വർധിക്കുകയും താൽക്കാലികക്കാരുടെ തൊഴിൽ നഷ്ടപ്പെടുകയുമാണ്. സുശീൽ ഖന്ന റിപ്പോർട്ടിെൻറ ബലിയാടാണ് പാലോട് ഡിപ്പോയിലെ ആത്മഹത്യചെയ്ത കണ്ടക്ടർ സുനിൽകുമാറെന്ന് യോഗം വിലയിരുത്തി. സംസ്ഥാന പ്രസിഡൻറ് എസ്. സീനിലാൽ യോഗം ഉദ്ഘാടനം ചെയ്തു. ട്രഷറർ എം.എൻ. അനിൽ അധ്യക്ഷത വഹിച്ചു. ജോ. സെക്രട്ടറിമാരായ പി.എം. ദിനേശൻ, കെ.ജി. സുരേഷ്കുമാർ, എക്സിക്യൂട്ടിവ് കമ്മിറ്റി അംഗങ്ങളായ വി. രാമചന്ദ്രൻ, ആർ. എബി, ബേബി അലക്സ്, ചന്ദ്രബോസ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.