നെടുമ്പാശ്ശേരി: വ്യാജ വിമാന ടിക്കറ്റുണ്ടാക്കിയയാൾ പൊലീസ് പിടിയിൽ. കോഴിക്കോട് കൊടുവള്ളി എലവഞ്ചാലിൽ വീട്ടിൽ ഷഫീക്കിനെയാണ് (24) നെടുമ്പാശ്ശേരി എസ്.ഐ സോണി മത്തായിയുടെ നേതൃത്വത്തിൽ അറസ്റ്റ് ചെയ്തത്. സുഹൃത്തായ കൊടുവള്ളി സ്വദേശി മെഹ്റൂഫിനുവേണ്ടിയാണ് വ്യാജ ഇ-ടിക്കറ്റുണ്ടാക്കി നൽകിയത്. മെഹ്റൂഫ് വ്യാജ ടിക്കറ്റുപയോഗിച്ച് പരിചയത്തിലുള്ള ഒരു സ്ത്രീയെ ഗൾഫിലേക്ക് പോകാൻ സഹായിക്കുന്നതിനുവേണ്ടി വിമാനത്താവളത്തിലെ സുരക്ഷ മേഖലയിലേക്ക് കടക്കുകയായിരുന്നു. ഇയാളെ പിടികൂടി ചോദ്യം ചെയ്തപ്പോഴാണ് കൊടുവള്ളിയിലെ ഒരു ട്രാവൽ ഏജൻസി ജീവനക്കാരനായ ഷഫീക്കാണ് ടിക്കറ്റുണ്ടാക്കിയതെന്ന് മൊഴി നൽകിയത്. ഇയാളെ ബുധനാഴ്ച അങ്കമാലി കോടതിയിൽ ഹാജരാക്കും. നേരേത്ത കോടതി റിമാൻഡ്ചെയ്ത മെഹ്റൂഫിനെ കൂടുതൽ ചോദ്യംചെയ്യലിനായി നെടുമ്പാശ്ശേരി പൊലീസിന് കസ്റ്റഡിയിൽ വിട്ടുനൽകിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.