കൊച്ചി: നടി ആക്രമിക്കപ്പെട്ട സംഭവത്തിൽ എം.എൽ.എകൂടിയായ നടൻ മുകേഷിനെ ചോദ്യംചെയ്യുമെന്ന് സൂചന. മുഖ്യപ്രതി പൾസർ സുനി എന്ന സുനിൽ കുമാർ ഒന്നര വർഷത്തോളം മുകേഷിെൻറ ഡ്രൈവറായിരുന്നു. ചോദ്യം ചെയ്യലിന് ഹാജരാകാൻ മുകേഷിന് നോട്ടീസ് നൽകിയതായാണ് വിവരം. 2013 മാർച്ചിലാണ് നടിക്കെതിരെ ദിലീപും സുനിയും തമ്മിെല ഗൂഢാലോചനയുടെ തുടക്കം. ഇൗ സമയം സുനി മുകേഷിെൻറ ഡ്രൈവറാണ്. പിന്നീട് സുനിയെ ഒഴിവാക്കി. സുനിയുടെ ക്രിമിനൽ പശ്ചാത്തലം അറിയില്ലെന്നും പലതവണ താക്കീത് നൽകിയിട്ടും അമിതവേഗത്തിൽ വാഹനം ഒാടിക്കുന്നതുകൊണ്ടാണ് സുനിയെ ഒഴിവാക്കിയതെന്നുമാണ് മുകേഷ് കഴിഞ്ഞദിവസം പറഞ്ഞത്. അതേസമയം, ചോദ്യം ചെയ്യലിന് ഹാജരാകാൻ നോട്ടീസ് ലഭിച്ചിട്ടില്ലെന്ന് മുകേഷ് കൊല്ലത്ത് അറിയിച്ചു. സുനിയെ ദിലീപിന് പരിചയപ്പെടുത്തിയത് താനല്ലെന്നും അദ്ദേഹം വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.