കോതമംഗലം: പ്രഭാതത്തിൽ ജോഗിങ്ങിനെന്ന വ്യാജേന എത്തി ആരാധനാലയങ്ങളിലെ ഭണ്ഡാരങ്ങളിൽനിന്ന് പലതരം ഉപകരണങ്ങൾ ഉപയോഗിച്ച് പണം മോഷ്ടിക്കുന്ന വിരുതനെ പൊലീസ് ഓടിച്ച് പിടികൂടി. കുത്തുകുഴി സ്വദേശി കൂട്ടുങ്ങൽ ഏലിയാസിനെയാണ് (48) ഊന്നുകൽ എസ്.ഐ ടി.എം. സൂഫിയുടെ നേതൃത്വത്തിൽ പൊലീസ് സംഘം ബുധനാഴ്ച പുലർച്ച പിടികൂടിയത്. കുത്തുകുഴി സെൻറ് ജോർജ് പള്ളിയുടെ ഭണ്ഡാരത്തിൽനിന്ന് പുലർച്ച പ്രത്യേക ഉപകരണം ഉപയോഗിച്ച് പണം മോഷ്ടിക്കുന്നതിനിടെയാണ് ഇയാൾ പിടിയിലായത്. വിവിധ സ്ഥലങ്ങളിൽ ഇയാൾ ഈ വിധം മോഷണം നടത്തിയിട്ടുണ്ടെന്ന് പൊലീസ് പറഞ്ഞു. പട്രോളിങ്ങിനിടെ പൊലീസിനെ കണ്ട് ഓടി രക്ഷപ്പെടാൻ ശ്രമിച്ച ഇയാളെ ഓടിച്ച് പിടികൂടുകയായിരുന്നു. എസ്.സി.പി.ഒ റെക്സ് പോൾ, സി.പി.ഒമാരായ ഷിബികുര്യൻ, ഷിജിത്, നവാസ് എന്നിവർ ചേർന്നാണ് പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.