മൂവാറ്റുപുഴ: തനിമ സാംസ്കാരിക സഞ്ചാരം എറണാകുളം ജില്ലാതല സമാപനം മൂവാറ്റുപുഴയില് നടന്നു. മൂവാറ്റുപുഴ എം.ഐ.ഇ.ടി ഹൈസ്കൂള് ഓഡിറ്റോറിയത്തിലെ സ്വീകരണയോഗം സംസ്ഥാന പ്രസിഡന്റ് ആദം അയ്യൂബ് ഉദ്ഘാടനം ചെയ്തു. തനിമ സ്മരണികയുടെ സമര്പ്പണവും അദ്ദേഹം നിര്വഹിച്ചു. ജില്ല പ്രസിഡന്റ് കെ.എച്ച്. സദഖത്ത് അധ്യക്ഷത വഹിച്ചു. സംസ്ഥാന ജനറല് സെക്രട്ടറി ജമീല് അഹമ്മദ്, എം.എം. നാസര് മൗലവി, കെ.വൈ. സാദിഖ് മുഹമ്മദ്, എം.ഐ.ഇ.ടി.എച്ച്.എസ് ഹെഡ്മാസ്റ്റര് അബ്ദുല് ഗഫൂര്, മൂസ എന്നിവര് സംസാരിച്ചു. ചടങ്ങില് നാടന്പാട്ട് കലാകാരന് കുമാര് കെ. മുടവൂര്, മാപ്പിളപ്പാട്ട് പാരഡി ഗാനരചയിതാവ് എം.എസ്. സഹീര് മൂവാറ്റുപുഴ, ഗായകന് ഉസ്മാന്, മജീഷ്യന് അന്ത്രു പെരുമറ്റം എന്നിവരെ ആദരിച്ചു. മൂന്നാംദിനമായ വ്യാഴാഴ്ച ആലുവയില്നിന്നാണ് സഞ്ചാരം ആരംഭിച്ചത്. ആലുവ അസ്ഹറുല് ഉലൂം കോളജില് സ്വീകരണം നല്കി. പ്രിന്സിപ്പല് ഡോ. കുഞ്ഞുമുഹമ്മദ് പുലവത്ത് അധ്യക്ഷത വഹിച്ചു. ചടങ്ങില് ആദം അയ്യൂബ് തനിമ സ്മരണിക സമര്പ്പിച്ചു. ജില്ല രക്ഷാധികാരി അബൂബക്കര് ഫാറൂഖി, തനിമ സംസ്ഥാന ജനറല് സെക്രട്ടറി ജമീല് അഹമ്മദ് എന്നിവര് സംസാരിച്ചു. മുഹമ്മദ് യാസിര് സ്വാഗതവും മുസമില് നന്ദിയും പറഞ്ഞു. കലാപരിപാടികളും നടന്നു. സഞ്ചാരം ഇടുക്കി ജില്ലയില് ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.