കൊച്ചി: കോഴിക്കോട് മുസ്ലിം ലീഗ് ഓഫിസില് ലീഗ് നേതൃത്വവും ആര്.എസ്.എസ് നേതാക്കളും നടത്തിയ ചര്ച്ച ബി.ജെ.പിക്ക് അക്കൗണ്ട് തുറക്കാന് ലീഗ് സഹായം ചെയ്യുന്നതിന്െറ ഭാഗമാണെന്ന് പ്രഫ. എ.പി. അബ്ദുല് വഹാബ്. അസഹിഷ്ണുതക്കും സാമുദായിക ധ്രുവീകരണത്തിനുമെതിരെ ഐ.എന്.എല് സംഘടിപ്പിച്ച ജനജാഗ്രതാ യാത്രക്ക് നെട്ടൂരില് നല്കിയ സ്വീകരണത്തില് നന്ദി പറയുകയായിരുന്നു അദ്ദേഹം. ബി.ജെ.പിയിലേക്ക് ആളെ ചേര്ക്കുന്ന ജോലിയാണ് ലീഗ് നേതൃത്വം ചെയ്തുകൊണ്ടിരിക്കുന്നതെന്നും മത നേതാക്കളെയും മത പ്രഭാഷകരെയും രാഷ്ട്രീയ വേദികളില് ഉപയോഗിക്കുന്നത് രാഷ്ട്രീയ പാപ്പരത്തമാണ് വെളിവാക്കുന്നതെന്നും അദ്ദേഹം പറഞ്ഞു. നെട്ടൂരില് നടന്ന സമാപന സമ്മേളനത്തില് ഡോ. സെബാസ്റ്റ്യന് പോള് ഉദ്ഘാടനം ചെയ്തു. എന്.എ. മുഹമ്മദ് നജീബ് അധ്യക്ഷത വഹിച്ചു. എന്.കെ. അബ്ദുല് അസീസ്, എം.എ. ലത്തീഫ്, ബി. ഹംസ ഹാജി, സുബൈര് പടുപ്പ്, എ.പി. മുസ്തഫ, സുധീര് കോയ, കെ.എം.എ. ജലീല് എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.