മൂവാറ്റുപുഴ: ആശുപത്രിയില് കിടന്ന് ചികിത്സിക്കേണ്ട ആവശ്യമില്ലായിരുന്നുവെന്ന് ചൂണ്ടിക്കാട്ടി വാഹനാപകടത്തില് പരിക്കേറ്റ സ്ത്രീയുടെ മെഡിക്ളെയിം അപേക്ഷ നിരസിച്ചതിന് മാക്സ്ബുപ ഹെല്ത്ത് ഇന്ഷുറന്സ് കമ്പനി നഷ്ടപരിഹാരം നല്കാന് വിധി. 5000 രൂപ നഷ്ടപരിഹാരവും 5000 രൂപ കോടതി ചെലവും ക്ളെയിം തുകയായ 9000 രൂപയോടുചേര്ത്ത് നല്കണമെന്ന് എറണാകുളം ജില്ലാ ഉപഭോക്തൃ തര്ക്കപരിഹാര ഫോറം ഉത്തരവായി. മാറാടി വാത്യാപ്പിള്ളില് ചെറിയാന് സമര്പ്പിച്ച ഹരജിയില് ചെറിയാന് കെ. കുര്യാക്കോസ് പ്രസിഡന്റും ഷീന് ജോസ്, വി.കെ. ബീനാകുമാരി എന്നിവര് അംഗങ്ങളുമായുള്ള ഫോറത്തിന്േറതാണ് വിധി. ഹരജിക്കാരന്െറ ഭാര്യയുടെ ചികിത്സ സംബന്ധിച്ചായിരുന്നു ഹരജി. രോഗി ഏതുതരത്തിലുള്ള ചികിത്സക്ക് വിധേയയാകണമെന്നത് ചികിത്സ നടത്തുന്ന ഡോക്ടറാണ് തീരുമാനിക്കേണ്ടതെന്ന ഹരജിക്കാരന്െറ വാദം ശരിവെച്ച് ഫോറം ഉത്തരവ് പുറപ്പെട്ടു. ഹരജിക്കാരനുവേണ്ടി അഡ്വ. ടോം ജോസ് ഹാജരായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.