കളമശ്ശേരി: കൊച്ചി ഗവ. മെഡിക്കല് കോളജില് ജീവനക്കാരനെ സാമൂഹികവിരുദ്ധര് മര്ദിച്ചതില് ജീവനക്കാര് ഒന്നടങ്കം പ്രതിഷേധപ്രകടനവും ധര്ണയും നടത്തി. കാമ്പസിനകത്തുനിന്ന് പ്രകടനമായത്തെി അഡ്മിനിസ്ട്രേഷന് ഓഫിസിന് മുന്നിലായിരുന്നു ധര്ണ. ഡോക്ടര്മാര്, ജീവനക്കാര്, വിദ്യാര്ഥികള് എന്നിവര് പങ്കെടുത്ത പ്രതിഷേധത്തില് ഡോ. ജില്സ് ജോര്ജ്, സി.എം.സി.ടി.എ പ്രസിഡന്റ് ഡോ. നാസിം, ജീവനക്കാരുടെ സംഘടനാപ്രതിനിധികളായ കെ.എം. റിയാദ്, എം.ഡി. സബിലാല്, കെ.വി. അരുണ്കുമാര്, എ. അനില്കുമാര്, ആനി ജോയി, സലോമി ബേബി, വി.എം. അനൂപ്, കെ.ആര്. ദിനേശ് എന്നിവര് പങ്കെടുത്തു. സംഭവത്തില് അന്വേഷണം വേണമെന്നും കുറ്റക്കാര്ക്കെതിരെ നടപടിയെടുക്കണമെന്നും ജീവനക്കാര് ആവശ്യപ്പെട്ടു. ബുധനാഴ്ച വൈകുന്നേരം 6.30ഓടെയാണ് മൂന്നംഗ സംഘം മെഡിക്കല് കോളജ് ജീവനക്കാരനായ പി.എസ്. സാലിയെ മര്ദിച്ചത്. മെഡിക്കല് കോളജ് വിദ്യാര്ഥികളെ ശല്യം ചെയ്തത് ചോദ്യം ചെയ്തതിന്െറ പേരിലാണ് ജീവനക്കാരനെ മര്ദിച്ചത്. സംഭവം കണ്ടുനിന്ന മറ്റുജീവനക്കാരനും നാട്ടുകാരും ചേര്ന്ന് അക്രമികളില് രണ്ടുപേരെ കൈയോടെ പിടികൂടി പൊലീസിന് കൈമാറുകയായിരുന്നു. മറ്റൊരാള് ഓടി രക്ഷപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.