കാസർകോട്: നഗര പ്രദേശങ്ങളിലെ റോഡുകൾ തകർന്നതോടെ യാത്രക്കാർ ദുരിതത്തിലായി. ഫോർട ്ട് റോഡ്, നായക്സ് റോഡ്, ആനവാതുക്കൽ റോഡ്, പള്ളം റോഡ്, തളങ്കരയിലെ റോഡുകളുടെ ചില ഭാഗങ്ങൾ, ബങ്കരക്കുന്ന് തുടങ്ങിയ സ്ഥലങ്ങളിലെ നിരവധി റോഡുകളാണ് തകർന്നിട്ടുള്ളത്. പല റോഡുകളിലും വലിയ കുഴികൾ രൂപപ്പെട്ട് അപകട സാധ്യതയേറിയിട്ടുണ്ട്. മഴ കനത്തതോടെയാണ് റോഡുകളിലെ ടാറുകൾ ഇളകി കുഴികൾ രൂപപ്പെട്ടത്. മഴക്കാലത്തിന് മുമ്പായി പല റോഡുകളിലും റീ ടാറിങ് ചെയ്തിരുന്നുവെങ്കിലും തകരുകയായിരുന്നു.
ലക്ഷങ്ങൾ മുടക്കി ടാറിങ് നടത്തുന്ന റോഡുകളിൽ പലതും ഓരോ വർഷവും തകരുന്നത് റോഡുപണികളിലെ കൃത്രിമം കൊണ്ടാണെന്ന് യാത്രക്കാർ പരാതിപ്പെടുന്നു. ഓടകളിൽ മാലിന്യം കുമിഞ്ഞുകൂടിയതിനാൽ മഴവെള്ളം റോഡുകളിലൂടെ ഒലിച്ചുപോകുന്നതും റോഡ് തകർച്ചക്ക് പ്രധാന കാരണമാവുന്നു. പാതയോരത്ത് മരങ്ങൾ നിറഞ്ഞ സ്ഥലങ്ങളിൽ മഴവെള്ളം ഒലിച്ചിറങ്ങുന്നതിനാലും റോഡുകൾ തകരുന്നുണ്ട്. ഇങ്ങനെയുള്ള സ്ഥലങ്ങളിൽ കോൺക്രീറ്റ് ചെയ്താൽ പ്രശ്നം ഒഴിവാക്കാം. നഗരസഭ പ്രദേശങ്ങളിലെ റോഡുകളിൽ ചിലത് കോൺക്രീറ്റ് ചെയ്തിട്ടുണ്ട്. എളുപ്പം തകരാറാവുന്ന റോഡുകളും കോൺക്രീറ്റ് ചെയ്താൽ വർഷാവർഷം യാത്രക്കാർ അനുഭവിക്കുന്ന ദുരിതത്തിന് അറുതിയാവുമെന്നാണ് അഭിപ്രായം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.