കാസർകോട്: കോൺഗ്രസ് ബൂത്ത്- മണ്ഡലം- ബ്ലോക്ക് കമ്മിറ്റി പുനഃസംഘടന ജില്ലയിൽ 30നകം പൂർത്തിയാക്കാൻ കെ.പി.സി.സി നിർദേശം. പുനഃസംഘടനയുമായി ബന്ധപ്പെട്ട് ജില്ലയിലുണ്ടാകാവുന്ന തർക്കങ്ങൾ പരിഹരിക്കുന്നതിന് കെ.പി.സി.സി ജനറൽ സെക്രട്ടറി കെ.പി. കുഞ്ഞിക്കണ്ണെൻറ നേതൃത്വത്തിലുള്ള സമിതിയെ നിയോഗിച്ചു. കെ.പി.സി.സി സെക്രട്ടറിമാരായ ജി. രതികുമാർ (കൊല്ലം), എം.എസ്. വിശ്വനാഥൻ (വയനാട്) എന്നിവരും സമിതിയിൽ അംഗങ്ങളാണ്. പാർലമെൻറ് െതരഞ്ഞെടുപ്പിെൻറ മുന്നോടിയായി കൈക്കൊള്ളുന്ന നടപടിയുടെ ഭാഗമായാണ് സമിതിയെ നിയമിച്ചത്. കഴിഞ്ഞ െതരഞ്ഞെടുപ്പിൽ ചുരുങ്ങിയ വോട്ടുകൾക്ക് കൈവിട്ട കാസർകോട് മണ്ഡലം ഇക്കുറി പിടിക്കാൻ കഴിയുമെന്നാണ് യു.ഡി.എഫിെൻറ പ്രതീക്ഷ. പുനഃസംഘടനയിലൂടെ ഇതിന് കരുത്തുപകരുകയാണ് ലക്ഷ്യം. പാർലമെൻറ് തെരഞ്ഞെടുപ്പിൽ മുൻകാലങ്ങളെ അപേക്ഷിച്ച് കൂടുതൽ അനുകൂലമായ രാഷ്ട്രീയസാഹചര്യമാണുള്ളതെന്ന് കോൺഗ്രസ് നേതൃത്വം കരുതുന്നു. ഡി.സി.സി പ്രസിഡൻറ് ഹക്കീം കുന്നിൽ കൺവീനറായുള്ള സമവായ കമ്മിറ്റി ജില്ലയിൽ പുനഃസംഘടനയുമായി ബന്ധപ്പെട്ട് രൂപവത്കരിച്ചിരുന്നു. ഐ വിഭാഗത്തിൽനിന്ന് മുൻ ഡി.സി.സി പ്രസിഡൻറ് സി.കെ. ശ്രീധരൻ, കെ.പി.സി.സി സെക്രട്ടറി കെ. നീലകണ്ഠൻ എന്നിവരും എ വിഭാഗത്തിൽനിന്ന് ഡി.സി.സി ഭാരവാഹികളായ എ. ഗോവിന്ദൻ നായർ, കെ.വി. സുധാകരൻ എന്നിവരുമാണ് സമവായ കമ്മിറ്റിയിലുള്ളത്. കഴിഞ്ഞ ഫെബ്രുവരിയിൽ തന്നെ പുനഃസംഘടന പൂർത്തിയാക്കുന്നതിന് കെ.പി.സി.സി നിർദേശം നൽകിയിരുന്നെങ്കിലും പൂർണമാക്കാൻ കഴിഞ്ഞിരുന്നില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.