കൂത്തുപറമ്പ്: മാങ്ങാട്ടിടം കൈതച്ചാലിൽ വീടിന് മുകളിൽ മരം കടപുഴകി രണ്ടുപേർക്ക് പരിക്ക്. അജയ വായനശാലക്ക് സമീപത് തെ നടുക്കണ്ടി വീട്ടിൽ പുതുശ്ശേരി വാസു (55), സഹോദരി ശാന്ത (50) എന്നിവർക്കാണ് പരിക്കേറ്റത്. ഇരുവരും കൂത്തുപറമ്പ് താലൂക്ക് ആശുപത്രിയിൽ ചികിത്സ തേടി. ഇന്നലെ ഉച്ചക്ക് രണ്ട് മണിയോടെയുണ്ടായ ശക്തമായ കാറ്റിൽ വീടിന് സമീപത്തുള്ള മാവ് കടപുഴകി വീടിന് മുകളിലേക്ക് പതിക്കുകയായിരുന്നു. മൺകട്ട കൊണ്ട് നിർമിച്ച വീടിൻെറ ഞാലി ഭാഗം പൂർണമായും നിലംപൊത്തി. മേൽക്കൂരക്കും കേട് പറ്റിയിട്ടുണ്ട്. കൂത്തുപറമ്പ് ഫയർഫോഴ്സ് എത്തിയാണ് അപകടത്തിനിടയാക്കിയ മരം മുറിച്ചുമാറ്റിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.