തലശ്ശേരി: നഗരത്തിലെ അടിസ്ഥാന സ്തംഭങ്ങളായ കടൽപാലംപോലുള്ള പൈതൃകസ്മാരകങ്ങൾ സംരക്ഷിക്കുന്നതിൽ സംസ്ഥാന ഭരണകൂടവ ും നഗര ഭരണാധികാരികളും ജനപ്രതിനിധിയും കാട്ടുന്ന കടുത്ത അനാസ്ഥയിൽ വെൽഫെയർ പാർട്ടി ഓഫ് ഇന്ത്യ തലശ്ശേരി മുനിസിപ്പൽ കമ്മിറ്റി യോഗം അപലപിച്ചു. കടൽപാലവും തലശ്ശേരിയിലെ മറ്റു പൗരാണിക സ്മാരകങ്ങളും സംരക്ഷിക്കുകയും ആവശ്യമായ പരിപാലനം നടത്തിയും ആഭ്യന്തര വൈദേശിക ടൂറിസ്റ്റുകളെ തലശ്ശേരിയിൽ എത്തിക്കാൻ പ്രചാരണ പരിപാടികൾ സംഘടിപ്പിക്കണം. പുതുതായി പ്രവർത്തനം ആരംഭിച്ച കണ്ണൂർ വിമാനത്താവളം ഏറെ പ്രയോജനപ്പെടുത്താൻ കഴിയും. ബന്ധപ്പെട്ട അധികൃതരും ജനപ്രതിനിധികളും സാംസ്കാരിക-സാമൂഹിക സംഘടനകളും ഇക്കാര്യത്തിൽ സജീവ ശ്രദ്ധ പുലർത്തണമെന്ന് യോഗം ആവശ്യപ്പെട്ടു. ജില്ല വൈസ് പ്രസിഡൻറ് കെ.കെ. അബ്ദുല്ല ഉദ്ഘാടനം ചെയ്തു. മണ്ഡലം പ്രസിഡൻറ് യു.കെ. സെയ്ദ് അധ്യക്ഷത വഹിച്ചു. പി.എം. അബ്ദുൽ നാസർ, എ.പി. അജ്മൽ, കെ.എം. അഷ്ഫാഖ് എന്നിവർ സംസാരിച്ചു. സാജിദ് കോമത്ത് സ്വാഗതം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.