വീടിൻെറ മേൽക്കൂര തകർന്നു ഏച്ചൂർ: കാനച്ചേരി നിലപ്പനക്കുന്ന് അംബേദ്കർ കോളനിയിലെ പത്മനാഭൻെറ വീടിൻെറ മേൽക്കൂര ക ഴിഞ്ഞ ദിവസത്തെ കാറ്റിലും മഴയിലും തകർന്നു. മേൽക്കൂരയിൽ സ്ഥാപിച്ച ഷീറ്റും ചിമ്മിനിയുടെ കോൺക്രീറ്റ് സ്ലാബുമാ ണ് തകർന്നുവീണത്. മേൽക്കൂര അടുത്ത വീടിൻെറ ടെറസിൽ പതിച്ചനിലയിലാണ്. മേൽക്കൂരയിൽനിന്ന് വലിയ കല്ലുകൾ താഴെ ഏണിപ്പടിയിലും അകത്തും പതിച്ചു. ഈസമയം വീട്ടിലുണ്ടായിരുന്ന രോഗിയായ പത്മനാഭൻെറ ഭാര്യ നിർമലയും മക്കൾ കാർത്തിക, നിമിഷ എന്നിവരും തലനാരിഴക്കാണ് രക്ഷപ്പെട്ടത്. നിലവിളി കേട്ട് അയൽ വാസികളും മറ്റുമെത്തിയാണ് ഇവരെ രക്ഷപ്പെടുത്തിയത്. സ്പെഷൽ വില്ലേജ് ഓഫിസർ എം. രാജീവൻ സ്ഥലം സന്ദർശിച്ചു. ഏകദേശം ഒരുലക്ഷം രൂപയുടെ നഷ്ടം കണക്കാക്കുന്നു. തൊട്ടടുത്ത എൻ.കെ. അബ്ദുൽസലാമിൻെറ എൻ.കെ.എസ് ചിക്കൻ കടയുടെ മേൽക്കൂരയിൽനിന്ന് ഓടുകൾ കാറ്റിൽ പറന്നുപോയി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.