മാഹി: എഴുത്തച്ഛൻ പുരസ്കാരം നേടിയ എം. മുകുന്ദന് മാഹി ചാലക്കരയിലെ എക്സൽ പബ്ലിക് സ്കൂളിൽ അക്ഷരക്കൂട്ടം കലാസാഹിത്യ വേദി ആദരിച്ചു. എജുക്കേഷൻ ട്രസ്റ്റ് ചെയർപേഴ്സൻ വിജയലക്ഷ്മി പൊന്നാട അണിയിച്ചു. ചിത്രകല അധ്യാപകനായ രാഗേഷ് പുന്നോൽ തയാറാക്കിയ എം. മുകുന്ദെൻറ ഛായാചിത്രം സമർപ്പിച്ചു. പുസ്തകവണ്ടിയുടെ ഉദ്ഘാടനം എം. മുകുന്ദൻ നിർവഹിച്ചു. പ്ലസ് വൺ വിദ്യാർഥികളുടെ മാസികയുടെ പ്രകാശനവും അദ്ദേഹം നിർവഹിച്ചു. വൈസ് പ്രിൻസിപ്പൽ വി.കെ. സുധീഷ് അധ്യക്ഷത വഹിച്ചു. പി.ടി.എ പ്രസിഡൻറ് കൃപേഷ്, വിദ്യാർഥികളായ ആമിന അഷ്കർ, ശ്രീലക്ഷ്മി, അനു മുസ്തഫ, പ്രിൻസിപ്പൽ സതി എം. കുറുപ്പ്, സ്കൂൾ അഡ്മിനിസ്ട്രേറ്റർ പി.പി. വിനോദൻ, വേണുദാസ് മൊകേരി, ഡോ. മഹേഷ് മംഗലാട്ട്, വി.കെ. സുശാന്ത് കുമാർ, ഹേമ ഭാസ്കർ, അസീസ് മാഹി എന്നിവർ സംസാരിച്ചു. മുകുന്ദെൻറ കഥാപാത്രങ്ങളായ ചന്ദ്രിക, കൊറുമ്പിയമ്മ, മഗ്ഗി മദാമ്മ, അൽഫോൺസച്ചൻ, കുട നന്നാക്കുന്ന ചോയി തുടങ്ങിയ കഥാപാത്രങ്ങളുടെ വേഷമിട്ടവർ കഥാകാരനെ സ്വീകരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.