മംഗളൂരു: ഫയലുകൾ ശരിയാക്കാൻ പഞ്ചായത്ത് െഡവലപ്മെൻറ് ഓഫിസർമാരോട് കൈക്കൂലി ആവശ്യപ്പെട്ടുവെന്ന പരാതിയിൽ താലൂക്ക് പഞ്ചായത്ത് എക്സിക്യൂട്ടിവ് ഓഫിസർ സദാനന്ദക്ക് നോട്ടിസ് നൽകിയതായി ജില്ല പഞ്ചായത്ത് ചീഫ് എക്സിക്യൂട്ടിവ് ഓഫിസർ ഡോ. എം.ആർ. രവി അറിയിച്ചു. മംഗളൂരു നോർത്ത് എം.എൽ.എ ഭരത് ഷെട്ടിയിലൂടെയാണ് കൈക്കൂലിസംഭവം പുറത്തായത്. കഴിഞ്ഞദിവസം താലൂക്ക് ഓഫിസിലെത്തിയ പഞ്ചായത്ത് ഓഫിസർമാർ ഫയലുകൾ ഒപ്പിട്ടുകിട്ടാത്തതിനാൽ ബഹളമുണ്ടാക്കിയിരുന്നു. വിവരമറിഞ്ഞ എം.എൽ.എ സംഭവം അന്വേഷിച്ചു. ധനവകുപ്പിൽനിന്ന് ഫണ്ട് അനുവദിച്ചുകിട്ടണമെങ്കിൽ കൈക്കൂലി കൊടുക്കണമെന്ന വിശദീകരണമാണ് സദാനന്ദ നൽകിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.