പാനൂർ: കോളജിൽ റാഗ് ചെയ്ത രണ്ട് വിദ്യാർഥികളെ സസ്പെൻഡ് ചെയ്തു. കല്ലിക്കണ്ടി എൻ.എ.എം കോളജിലെ ഒന്നാം വർഷ ബി.കോം വിദ്യാർഥി ടി.പി. ഷഫീഖിനെയാണ് ഒരു സംഘം സീനിയർ വിദ്യാർഥികൾ റാഗ് ചെയ്തതായി പരാതി ഉയർന്നത്. രണ്ടാം വർഷ ഹിസ്റ്ററി വിദ്യാർഥി മുഹമ്മദ് ഫായിസ്, രണ്ടാം വർഷ ബി.ബി.എ വിദ്യാർഥി അബ്ദുള്ള സുറൂർ എന്നിവരെയാണ് പ്രിൻസിപ്പൽ അന്വേഷണ വിധേയമായി സസ്പെൻഡ് ചെയ്തത്. ബുധനാഴ്ചയാണ് കേസിനാസ്പദമായ സംഭവം. റാഗിങ്ങിനിരയായ ഷഫീഖിെൻറ ചെവിയിൽനിന്നും രക്തം വന്ന നിലയിൽ പരിക്കുകളോടെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ബന്ധുക്കൾ യു.ജി.സിക്കും പ്രിൻസിപ്പലിനും കൊളവല്ലൂർ പൊലീസ് സ്റ്റേഷനിലും പരാതി നൽകി. യു.ജി.സി നേരിട്ട് പ്രിൻസിപ്പൽക്ക് നിർദേശം നൽകിയതിെൻറ അടിസ്ഥാനത്തിലാണ് നടപടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.