ചെറുപുഴ: വീട്ടുമാലിന്യം ചാക്കിൽകെട്ടി റോഡിൽ തള്ളിയയാളെ കണ്ടെത്തി പിഴ ഈടാക്കി. പ്രാപ്പൊയിൽ - രയരോം റോഡിൽ എയ്യൻകല്ലിലാണ് കഴിഞ്ഞ ദിവസം രാത്രി മദ്യക്കുപ്പികൾ, പ്ലാസ്റ്റിക് മാലിന്യങ്ങൾ, നാപ്കിൻ, പഴയ വസ്ത്രങ്ങൾ എന്നിവ പ്ലാസ്റ്റിക് ചാക്കുകളിലാക്കി തള്ളിയത്. നാട്ടുകാർ ചാക്കുകൾ അഴിച്ച് പരിശോധിച്ചപ്പോൾ തേർത്തല്ലി വിമലശ്ശേരി സ്വദേശിയുടെ വീട്ടുമാലിന്യങ്ങളാണ് ഇതെന്ന് മനസ്സിലായി. തുടർന്ന് ഇയാൾക്കെതിരെ പൊതുസ്ഥലത്ത് മാലിന്യം തള്ളിയതിന് ചെറുപുഴ പഞ്ചായത്ത് 3000 രൂപ പിഴ ഈടാക്കി മാലിന്യം തിരിച്ചെടുപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.