കണ്ണൂർ: വിവേചനങ്ങളില്ലാത്ത ശാസ്ത്രീയവും പുരോഗമനപരവുമായ വിദ്യാഭ്യാസം കെട്ടിപ്പടുക്കുക എന്ന മുദ്രാവാക്യമുയർത്തി എസ്.എഫ്.ഐ അഖിലേന്ത്യ പ്രസിഡൻറ് വി.പി. സാനു നയിക്കുന്ന ദക്ഷിണേന്ത്യൻ ജാഥയെ തമിഴ്നാട്ടിലെ തിരുനെൽവേലിയിൽ ആർ.എസ്.എസ്-ബി.ജെ.പി നിർദേശ പ്രകാരം തടഞ്ഞതിൽ പ്രതിഷേധിച്ച് എസ്.എഫ്.ഐ ജില്ല കമ്മിറ്റി പ്രതീകാത്മക ജാഥ നടത്തി. നിശ്ശബ്ദമാക്കാനാകില്ല പ്രതിഷേധങ്ങളെയും പ്രതിരോധങ്ങളെയും എന്ന മുദ്രാവാക്യമുയർത്തി നടത്തിയ ജാഥ എസ്.എഫ്.ഐ മുൻ സംസ്ഥാന അധ്യക്ഷൻ കെ.വി. സുമേഷ് ഉദ്ഘാടനം ചെയ്തു. ജില്ല പ്രസിഡൻറ് ഷിബിൻ കാനായി അധ്യക്ഷത വഹിച്ചു. ദിഷ്ണപ്രസാദ്, സി.പി. ഷിജു, മുഹമ്മദ് ഫാസിൽ, കെ. ശ്രീജിത്ത്, ഇ.കെ. ദൃശ്യ, ടി.പി. നിവേദ്, പ്രജീഷ് ബാബു, വി. ഷിജിത്ത് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.