കണ്ണൂർ: കേരളത്തെ കൈപിടിച്ചുയർത്താൻ നാടൊന്നാകെ ഒരുമിക്കുേമ്പാൾ തങ്ങളുടെ വിഹിതം നൽകി അധ്യാപക സംഘടനയും. കേരള പ്രദേശ് സ്കൂൾ ടീച്ചേഴ്സ് അസോസിയേഷൻ (കെ.പി.എസ്.ടി.എ) അംഗങ്ങളാണ് അധ്യാപക ദിനത്തിൽ പണം കൈമാറിയത്. കണ്ണൂർ ജില്ലയിൽനിന്ന് 2,98,260 രൂപയാണ് അംഗങ്ങളിൽനിന്നും പിരിച്ചത്. ഇതിൽ 25,000 രൂപ ഇരിട്ടിയിലെ ദുരിതാശ്വാസ പ്രവർത്തനത്തിന് ചെലവായതായി ജില്ല പ്രസിഡൻറ് കെ. രമേശൻ പറഞ്ഞു. കെ.പി.എസ്.ടി.എ സംഘടിപ്പിച്ച അധ്യാപക ദിനാചരണവും ഫണ്ട് ഏറ്റുവാങ്ങലും സംസ്ഥാന പ്രസിഡൻറ് പി. ഹരിഗോവിന്ദൻ ഉദ്ഘാടനം ചെയ്തു. െക. രമേശൻ അധ്യക്ഷത വഹിച്ചു. അംഗങ്ങൾ ദുരിതാശ്വാസ പ്രവർത്തനങ്ങളിൽ മുഴുകിയിരിക്കുന്നതിനാൽ ആഘോഷമൊഴിവാക്കി ഫണ്ട് ശേഖരിക്കാൻ തീരുമാനിക്കുകയായിരുന്നെന്ന് നേതാക്കൾ പറഞ്ഞു. വി.കെ. അജിത്ത് കുമാർ അധ്യാപകദിന സന്ദേശം നൽകി. കെ.സി. രാജൻ, കെ. സുനിൽകുമാർ, ഹരിദാസ് മൊകേരി, പി.പി. സത്യവതി, ടി.ഒ. വേണുഗോപാൽ, കെ. രാജൻ തുടങ്ങിയവർ സംസാരിച്ചു. വിരമിച്ച അധ്യാപകരെ ചടങ്ങിൽ െപാന്നാടയണിയിച്ച് ആദരിച്ചു. ജില്ല സെക്രട്ടറി വി. മണികണ്ഠൻ സ്വാഗതവും ട്രഷറർ ആർ.കെ. സദാനന്ദൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.