മംഗളൂരു: ദക്ഷിണ കന്നട, ഉഡുപ്പി ജില്ലകളിലെ നഗരസഭകളിലേക്ക് നടന്ന തെരഞ്ഞെടുപ്പുഫലം പ്രഖ്യാപിച്ചപ്പോൾ ദക്ഷിണ കന്നട ജില്ലയിൽ കോൺഗ്രസിനും ഉഡുപ്പി ജില്ലയിൽ ബി.ജെ.പിക്കും മേൽക്കൈ. ദക്ഷിണ കന്നട ജില്ലയിലെ ഉള്ളാൾ നഗരസഭയിൽ കോൺഗ്രസിന് 13 സീറ്റും ബി.ജെ.പിക്കും എസ്.ഡി.പി.ഐക്കും ആറുവീതം സീറ്റുകളും ലഭിച്ചു. ജെ.ഡി.എസ് നാല് സീറ്റു നേടി. ബണ്ട്വാൾ നഗരസഭയിൽ കോൺഗ്രസ് -12, ബി.ജെ.പി -11, എസ്.ഡി.പി.ഐ -നാല് എന്നിങ്ങനെയാണ് സീറ്റുകൾ. പുത്തൂർ നഗരസഭയിൽ 25 സീറ്റുകൾ താമരശോഭ പരത്തി. ബി.ജെ.പിയുടെ മുഖ്യ എതിരാളിയായ കോൺഗ്രസിന് അഞ്ചു സീറ്റാണ് നേടാനായത്. ഉഡുപ്പി ജില്ലയിൽ ഉഡുപ്പി നഗരസഭയിൽ ബി.ജെ.പി 31 വാർഡുകളിൽ ജയിച്ചപ്പോൾ കോൺഗ്രസിന് നാല് സീറ്റുകൾ മാത്രമേ ലഭിച്ചുള്ളൂ. കുന്താപുരം ബി.ജെ.പി -14, കോൺഗ്രസ് -എട്ട്, സ്വതന്ത്രൻ -ഒന്ന് എന്നിങ്ങനെയാണ് സീറ്റുകൾ. സലിഗ്രാമ ടൗൺ പഞ്ചായത്ത് -ബി.ജെ.പി -10, കോൺഗ്രസ് -അഞ്ച്, സ്വതന്ത്രൻ -ഒന്ന്, കാർക്കള നഗരസഭയിൽ കോൺഗ്രസും ബി.ജെ.പിയും 11 വീതം സീറ്റുകൾ നേടി. ഒരു ബി.ജെ.പി റിബലും ഇവിടെ ജയിച്ചുകയറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.