തളിപ്പറമ്പ്: ഡ്രൈഡേ ദിവസം അനധികൃതമായി വിദേശമദ്യ വിൽപന നടത്തുകയായിരുന്നയാളെ എക്സൈസ് സംഘം പിടികൂടി. തിരുമേനിയിലെ പുത്തൻപുരക്കൽ പി.കെ. രാജുവിനെയാണ് (61) കെ.എൽ 59 എൻ 9134 മാരുതി ആൾട്ടോ കാറും 36 കുപ്പി (18 ലിറ്റർ) വിദേശമദ്യവും സഹിതം അറസ്റ്റ് ചെയ്തത്. ഇയാളിൽ നിന്ന് 5500 രൂപയും പിടിച്ചെടുത്തു. തളിപ്പറമ്പ് എക്സൈസ് സർക്കിൾ ഓഫിസിലെ പ്രിവൻറിവ് ഓഫിസർ കെ.പി. മധുസൂദനനും സംഘവും പയ്യന്നൂർ റേഞ്ചിലെ ചെറുപുഴ, തിരുമേനി ഭാഗങ്ങളിൽ നടത്തിയ റെയ്ഡിലാണ് ഇയാൾ പിടിയിലായത്. റെയ്ഡിൽ സി.ഇ.ഒമാരായ വി.വി. ഷിജു, എം. ഗോവിന്ദൻ, ഡ്രൈവർ കെ.വി. പുരുഷോത്തമൻ എന്നിവരും പങ്കെടുത്തു. രഹസ്യവിവരത്തിെൻറ അടിസ്ഥാനത്തിൽ തളിപ്പറമ്പ് എക്സൈസ് പാർട്ടി കഴിഞ്ഞദിവസം പുലർച്ച മുതൽ പ്രദേശങ്ങളിൽ വേഷം മാറി എത്തിയാണ് ഇയാളെ പിടികൂടിയത്. 600 രൂപ കൂലിക്ക് ആളുകളെവെച്ചാണ് രാജു മദ്യം വിറ്റിരുന്നത്. പിടിയിലായ കാർ ദിവസവാടകക്ക് എടുത്താണ് മദ്യം വിൽപനക്കാർക്ക് മൊത്തമായി എത്തിച്ചിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.