കണ്ണൂർ: പാലയാട് ലോ കോളജ് യൂനിയൻ തെരഞ്ഞെടുപ്പ് നിർത്തലാക്കിയ നടപടി പിൻവലിക്കണമെന്ന് ഫ്രറ്റേണിറ്റി മൂവ്മെൻറ് ജില്ല സെക്രേട്ടറിയറ്റ് ആവശ്യപ്പെട്ടു. ജനാധിപത്യത്തെ കശാപ്പ് ചെയ്ത് ഏകാത്മകമായ കാമ്പസുകൾ സൃഷ്ടിക്കാനുള്ള എസ്.എഫ്.ഐയുടെ ഗൂഢനീക്കം വിദ്യാർഥി സമൂഹം തിരിച്ചറിയണമെന്ന് ഫ്രറ്റേണിറ്റി മൂവ്മെൻറ് ജില്ല പ്രസിഡൻറ് എം. ഖദീജ പറഞ്ഞു. എസ്.എഫ്.ഐ നേതാക്കൾ റിട്ടേണിങ് ഓഫിസറെ ഘെരാവോ ചെയ്യുകയും അതിനെത്തുടർന്ന് തെരഞ്ഞെടുപ്പ് മാറ്റുകയും ചെയ്യുന്ന ജനാധിപത്യവിരുദ്ധ പ്രവർത്തനമാണ് യൂനിവേഴ്സിറ്റിയുടെ ഭാഗത്തുനിന്നുണ്ടായിട്ടുള്ളത്. നേരത്തെ നിശ്ചയിച്ചപ്രകാരം തെരഞ്ഞെടുപ്പ് നടത്തണം. എൽഎൽ.ബി പാസാവുന്നതിന് മുമ്പ് എൽഎൽ.എമ്മിന് ചേരുകയും ഫലപ്രഖ്യാപനം വന്നപ്പോൾ തോൽക്കുകയും ചെയ്ത എസ്.എഫ്.ഐ നേതാക്കൾ തെരഞ്ഞെടുപ്പിൽ മത്സരിക്കുകയും തുടർന്ന് യൂനിവേഴ്സിറ്റി അയോഗ്യരാണെന്ന് കണ്ടെത്തി പ്രവേശനം റദ്ദാക്കുകയും ചെയ്യുകയായിരുന്നു. നേരത്തെ നടത്തിയ തെരഞ്ഞെടുപ്പ് റദ്ദാക്കുന്നത് ജനാധിപത്യ വ്യവസ്ഥക്ക് കടകവിരുദ്ധമാണെന്നും സെക്രേട്ടറിയേറ്റ് അഭിപ്രായപ്പെട്ടു. യോഗത്തിൽ ഫൈസൽ മാടായി, അഞ്ജു ആൻറണി, ജവാദ് അമീർ, ടി.പി. ഇല്യാസ്, ലിപിൻ ഫെർണാണ്ടസ്, മിസ്ഹബ് ഇരിക്കൂർ, വിനയൻ ചെങ്ങറ, മുഹ്സിൻ ഇരിക്കൂർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.