കേളകം: പേരാവൂർ ടൗണിൽ ലോട്ടറി വിൽപനയുടെ മറവിൽ കഞ്ചാവു വിൽപന നടത്തുന്നയാൾ എക്സൈസ് സംഘത്തിെൻറ പിടിയിലായി. പേരാവൂർ മുള്ളേരിക്കൽ സ്വദേശി ഇ.കെ. നാരായണൻ (60) ആണ് പിടിയിലായത്. ടൗണിലെ ലോട്ടറി വിൽപനക്കാരനാണ്. വിൽപനക്ക് തയാറാക്കിയ കഞ്ചാവ് പൊതികൾ സഹിതമാണ് പേരാവൂർ എക്സൈസ് ഇൻസ്പെക്ടർ എ.കെ. വിജേഷിെൻറ നേതൃത്വത്തിലുള്ള സംഘം ഇയാളെ അറസ്റ്റ് ചെയ്തത്. ലോട്ടറി വിൽപനയുടെ മറവിൽ യുവാക്കൾക്കും വിദ്യാർഥികൾക്കും കഞ്ചാവ് എത്തിച്ചുനൽകുകയാണ് ഇയാളുടെ രീതിയെന്ന് ഉദ്യോഗസ്ഥർ പറഞ്ഞു. ലോട്ടറികൾ സൂക്ഷിക്കുന്ന ബാഗിൽ വിൽപനക്ക് സൂക്ഷിച്ച 50 ഗ്രാം കഞ്ചാവ് ഇയാളിൽനിന്ന് കണ്ടെടുത്തു. പ്രിവൻറിവ് ഓഫിസർമാരായ എം.പി. സജീവൻ, പി.സി. ഷാജി, സിവിൽ എക്സൈസ് ഓഫിസർമാരായ സി.പി. ഷാജി, സതീഷ് വിളങ്ങോട്ടുഞാലിൽ, ഷൈബി കുര്യൻ, പി.എസ്. ശിവദാസൻ എന്നിവർ റെയ്ഡിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.