ചെറുപുഴ: കാറിൽ കൊണ്ടുവന്ന് അനധികൃതമായി മദ്യവില്പന നടത്തിയ ആളെ എക്സൈസ് സംഘം പിടികൂടി. തിരുമേനി സ്വദേശി പി.കെ. രാജുവാണ് (61) അറസ്റ്റിലായത്. 18 ലിറ്റര് വിദേശ മദ്യവും 5500 രൂപയും മദ്യമെത്തിക്കാൻ ഉപയോഗിച്ച കാറും പിടിച്ചെടുത്തു. തളിപ്പറമ്പ് എക്സൈസ് സര്ക്കിള് ഓഫിസിലെ പ്രിവൻറിവ് ഓഫിസര് കെ.പി. മധുസൂദനനും പാര്ട്ടിയും ചേര്ന്ന് ചെറുപുഴ, തിരുമേനി ഭാഗങ്ങളില് നടത്തിയ പരിശോധനയിലാണ് അനധികൃതമായി വിദേശമദ്യ വിൽപന നടത്തുകയായിരുന്ന പി.കെ. രാജുവിനെ അറസ്റ്റ്ചെയ്തത്. സി.ഇ.ഒമാരായ വി.വി. ഷിജു, എം. ഗോവിന്ദൻ, ഡ്രൈവര് കെ.വി. പുരുഷോത്തമന് എന്നിവരും റെയ്ഡിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.