ചെറുപുഴ: ഡി.ജി.പിയുടെ നിര്ദേശപ്രകാരം ആഗസ്റ്റ് മാസം നടന്ന സ്പെഷല് ഡ്രൈവില് പെരിങ്ങോം സ്റ്റേഷനില് മാത്രം അകത്തായത് 15ഓളം പിടികിട്ടാപ്പുള്ളികള്. തളിപ്പറമ്പ് ഡിവൈ.എസ്.പി കെ.വി. വേണുഗോപാലിെൻറ മേല്നോട്ടത്തില് എസ്.ഐ എം. സജിത്തിെൻറ നേതൃത്വത്തിലുള്ള സംഘമാണ് പിടികിട്ടാപ്പുള്ളികളെ കുടുക്കിയത്. പെരിങ്ങോം പൊലീസ് സ്റ്റേഷനില് വിവിധ ക്രിമിനല് കേസുകളില്പെട്ട് വര്ഷങ്ങളായി പൊലീസിനെയും കോടതിയെയും കബളിപ്പിച്ച് മുങ്ങിനടക്കുകയായിരുന്ന ഇവരെല്ലാം സംസ്ഥാനത്തിെൻറ വിവിധ ഇടങ്ങളില്നിന്നാണ് അറസ്റ്റിലായത്. മോഷണം, ആയുധക്കടത്ത്, പീഡന കേസുകള് തുടങ്ങിയവയില് ഉള്പ്പെട്ടവരാണ് പിടികൂടിയവരില് മിക്കവരും. സ്ക്വാഡ് അംഗങ്ങളായ എ.എസ്.ഐ എന്.പി. കൃഷ്ണന്, എ.എസ്.ഐ മനോജ്, സിവില് പൊലീസ് ഓഫിസര്മാരായ സനീഷ് കരിപ്പാല്, സതീശന് പിലാത്തറ, ജിജോ മാട്ടൂല് എന്നിവരും അന്വേഷണ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.