ആലുവ: ദുരിതാശ്വാസ ക്യാമ്പിൽ 10 വയസ്സുകാരിയെ പീഡിപ്പിക്കാൻ ശ്രമിച്ച കേസിൽ യുവാവ് അറസ്റ്റിൽ. കാസർകോട് ബാട്ടൂർ വില്ലേജ് അങ്ങാടിമുകൾ കൾക്കാർ വീട്ടിൽ അഹമ്മദ് മുൻസീറാണ് (20) അറസ്റ്റിലായത്. പറവൂർ കവലയിലെ ബേക്കറി ജീവനക്കാരനായ പ്രതി ക്യാമ്പിൽ വളൻറിയറായി എത്തിയിരുന്നു. ക്യാമ്പ് അവസാനിച്ച ദിവസം ആളൊഴിഞ്ഞ ഭാഗത്ത് പ്രതി കുട്ടിയെ പീഡിപ്പിക്കാൻ ശ്രമിക്കുകയായിരുന്നു. മാതാപിതാക്കൾ ആലുവ പൊലീസിൽ പരാതി നൽകി. പ്രതി നാട്ടിൽ പോയതിനാൽ പിടികൂടാനായില്ല. കഴിഞ്ഞദിവസം തിരികെ ജോലിക്കെത്തിയപ്പോൾ അറസ്റ്റ് ചെയ്യുകയായിരുന്നു. ആലുവ സി.ഐ വിശാൽ ജോൺസൺ, എസ്.ഐമാരായ എം.എസ്. ഫൈസൽ, സെബാസ്റ്റ്യൻ, അബ്ദുൽ അസീസ്, വനിത സി.പി.ഒ ഷൈജ ജോർജ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.