പയ്യന്നൂർ: മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള സഹായം തുടരുന്നു. തായിനേരി എസ്.എ.ബി.ടി.എം ഹയർ സെക്കൻഡറി സ്കൂൾ '90-91 എസ്.എസ്.എൽ.സി ബാച്ച് വിദ്യാർഥികൾ 80000 രൂപ നഗരസഭ ചെയർമാനെ ഏൽപിച്ചു. ഈ വർഷത്തെ ഓണം- ബക്രീദ് ആഘോഷങ്ങൾ മാറ്റിവെച്ചു ഐ.എസ്.ഡി സീനിയർ സെക്കൻഡറി ഇംഗ്ലീഷ് മീഡിയം സ്കൂൾ വിദ്യാർഥികൾ മുഖ്യമന്ത്രിയുടെ ദുരിതാശ്വാസ നിധിയിലേക്ക് അരലക്ഷം രൂപ സംഭാവന നൽകി. നഗരസഭ ചെയർമാൻ അഡ്വ. ശശി വട്ടക്കൊവ്വലിനെ വിദ്യാർഥികളായ മുഫീദ് അസീസും ഫ്ലെമി ജോസും തുക ഏൽപിച്ചു. വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ വി. ബാലൻ, പ്രിൻസിപ്പൽ രാജൻ കൊടക്കാട്, മാനേജർ മണി സുബ്രഹ്മണ്യൻ, ഐ.എസ്.ഡി ട്രഷറർ കക്കുളത്ത് അബ്ദുൽഖാദർ, വൈസ് പ്രിൻസിപ്പൽ കെ.പി. ദിവ്യ തുടങ്ങിയവർ പങ്കെടുത്തു. സെൻറ് മേരീസ് ഗേൾസ് ഹൈസ്കൂൾ 500 കിലോ അരിയും മമ്പലത്തെ കെ. അനീഷ് ഒരു ക്വിൻറൽ അരിയും നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.