കൂത്തുപറമ്പ്: സംസ്ഥാന കാർഷികക്ഷേമ വകുപ്പ് നടപ്പാക്കുന്ന ഹരിതകേരളം പദ്ധതിയുടെ ഭാഗമായി മാങ്ങാട്ടിടം ഗ്രാമപഞ്ചായത്ത് കൃഷിഭവൻ, വട്ടപ്പാറ മാവുള്ളചാലിൽ ചാരിറ്റബിൾ സൊസൈറ്റി എന്നിവയുടെ ആഭിമുഖ്യത്തിൽ തരിശൂഭൂമിയിൽ നെൽകൃഷി ഇറക്കി. ഓണക്കാലത്തേക്കാവശ്യമുള്ള പൂകൃഷി നടത്തുന്നതിെൻറ മുന്നോടിയായാണ് നെൽകൃഷി. കൈതേരി വട്ടപ്പാറ മാവുള്ളചാലിൽ ക്ഷേത്രപരിസരത്തെ രണ്ടര എക്കറോളം സ്ഥലം പാട്ടത്തിനെടുത്താണ് കൃഷി. 10 വിതം അംഗങ്ങളുള്ള കർഷകശ്രീ, ഹരിതശ്രീ ഗ്രൂപ്പുകളുടെ നേതൃത്വത്തിലാണ് കൃഷി ചെയ്യുന്നത്. ജൈവപച്ചക്കറിയിൽ വിജയം കൈവരിച്ച ഗ്രൂപ്പുകൾ നെൽകൃഷിയിലും നൂറുമേനി വിളയിച്ചെടുക്കാൻ സാധിക്കുമെന്ന പ്രതിക്ഷയിലാണ്. നവര, ചോതി, ഉമ എന്നീ വിത്തുകളാണ് കൃഷിക്കായി ഉപയോഗിക്കുന്നത്. മാവുള്ളചാലിൽ ക്ഷേത്രപരിസരത്ത് വയലിൽ നടന്ന പരിപാടിയിൽ മാങ്ങാട്ടിടം ഗ്രാമപഞ്ചായത്ത് പ്രസിഡൻറ് കെ. പ്രസീത ഉദ്ഘാടനം ചെയ്തു. പഞ്ചായത്ത് വൈസ് പ്രസിഡൻറ് എം.കെ. കൃഷ്ണൻ അധ്യക്ഷത വഹിച്ചു. മാങ്ങാട്ടിടം കൃഷി ഓഫിസർ യു.എൻ. മീര, പി.പി. രാഗേഷ്, അസി. കൃഷി ഓഫിസർ സന്തോഷ്കുമാർ, സി.പി. പന്മനാഭൻ, അനിഷ് മേക്കിലിരി തുടങ്ങിയവർ സംസാരിച്ചു. സൊസൈറ്റി പ്രസിഡൻറ് എ.ടി. പ്രമോദ് സ്വാഗതവും സെക്രട്ടറി വി.എം. സന്തോഷ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.