പാനൂർ: വാഹനം വാടകക്കെടുത്ത് ഇതരസംസ്ഥാനത്ത് കൊണ്ടുപോയി പണയപ്പെടുത്തിയും മറിച്ചുവിറ്റും തട്ടിപ്പ് നടത്തിയ കേസിൽ ഒരാൾകൂടി അറസ്റ്റിൽ. ഒരു കാറും പിടിച്ചെടുത്തു. മൈസൂരു ശിവജി പാർക്കിനടുത്ത രജപുത് ബ്ലോക്കിലെ അയൂബ് ഖാൻ (40) ആണ് അറസ്റ്റിലായത്. ഇയാളുടെ പക്കൽനിന്നും കെ.എൽ.13 എ.സി. 3921 സ്വിഫ്റ്റ് കാറും പിടിച്ചെടുത്തു. ശ്രീകണ്ഠപുരം സ്വദേശി വി.കെ. നിസാമിെൻറ ഉടമസ്ഥതയിലുള്ളതാണ് കാർ. വാഹന തട്ടിപ്പ് കേസിൽ കഴിഞ്ഞ ദിവസം അറസ്റ്റിലായ മുണ്ടയാംപറമ്പിലെ അനീഷ് രാജാണ് അയൂബ് ഖാന് കാർ കൈമാറിയത്. അനീഷിനെ പൊലീസ് ചോദ്യം ചെയ്തതിെൻറ അടിസ്ഥാനത്തിലാണ് പാനൂർ പൊലീസ് മൈസൂരുവിലെത്തി അയൂബ് ഖാനെ അറസ്റ്റുചെയ്ത് വാഹനം കസ്റ്റഡിയിലെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.