പയ്യന്നൂർ: വാഹനാപകടത്തിൽ പരിക്കേറ്റ് ചികിത്സയിലായിരുന്ന മധ്യവയസ്കൻ മരിച്ചു. ദീർഘകാലമായി കുവൈത്തിൽ വ്യാപാരിയായ പെരുമ്പ-കോറോം റോഡിൽ ചീനമ്മാടത്ത് മുഹമ്മദ് കുഞ്ഞിയാണ് (55) മരിച്ചത്. ഞായറാഴ്ച ഉച്ചക്ക് പന്ത്രണ്ടരയോടെ ദേശീയപാതയിൽ പെരുമ്പ ജുമാമസ്ജിദിന് മുന്നിൽ ഇദ്ദേഹം സഞ്ചരിച്ച ബൈക്കിൽ കാറിടിക്കുകയായിരുന്നു. ബൈക്കിൽനിന്ന് തെറിച്ചുവീണ് തലക്ക് സാരമായി പരിക്കേറ്റ മുഹമ്മദ് കുഞ്ഞിയെ ആദ്യം പരിയാരം മെഡിക്കൽ കോളജ് ആശുപത്രിയിലും പിന്നീട് മംഗളൂരുവിലെ ആശുപത്രിയിലും പ്രവേശിപ്പിച്ചു. ഭാര്യ: നസീമ. മക്കൾ: ഡോ. ഉനൈസ്, ഉവൈസ്, ഉബൈദ്, നഫീസത്ത്, അബ്ദുല്ല. മരുമക്കൾ: ജിൻസിയ, നഹല. സഹോദരങ്ങൾ: കുഞ്ഞിമൊയ്തീൻ, അസൈനാർ, ഫാത്തിമ, ഹലീമ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.