ഇരിട്ടി: -പായം പഞ്ചായത്തിലെ ചീങ്ങാകുണ്ടം കോളനിവാസികൾ കുടിവെള്ളത്തിനായി നെട്ടോട്ടമോടുന്നു. കോളനിയിൽ കിണർ ഉണ്ടെങ്കിലും ഇപ്പോൾ വെള്ളം വറ്റിയ നിലയിലാണ്. സമീപ പ്രദേശങ്ങളിലെ വീട്ടുകിണറാണ് കോളനിവാസികൾ ആശ്രയിക്കുന്നത്. പലരും അരക്കിലോമീറ്റർ ദൂരത്തുള്ള റോഡരികിലെ കുഴൽക്കിണറിനെയാണ് അലക്കാനും കുളിക്കാനും ആശ്രയിക്കുന്നത്. ഒരുമാസത്തിലധികമായി കിണർ വറ്റിയിട്ട്. രണ്ടുവർഷം മുമ്പ് മുതൽ കിണറിന് ആഴംകൂട്ടാൻ പഞ്ചായത്ത് അധികൃതരോട് കോളനി നിവാസികൾ ആവശ്യപ്പെട്ടെങ്കിലും ഇക്കാര്യം പരിഗണിച്ചില്ല.15ഓളം കുടുംബങ്ങളിൽ സ്ത്രീകളും കുട്ടികളും ഉൾപ്പെടെ 80ഒാളം പേർ താമസിക്കുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.