ശ്രീകണ്ഠപുരം: 18 ലിറ്റർ വിദേശമദ്യവുമായി രണ്ടുപേർ അറസ്റ്റിൽ. പയ്യാവൂരിലെ കൊച്ചുകരോട്ട് വീട്ടിൽ ജോസ് കുട്ടി മാത്യു (58), പയ്യാവൂർ ചീത്തപ്പാറയിലെ മൂക്കൻ മാക്കൽ അനീഷ് (35) എന്നിവരെയാണ് ശ്രീകണ്ഠപുരം എക്സൈസ് ഇൻസ്പെക്ടർ പി.പി. ജനാർദനൻ അറസ്റ്റ് ചെയ്തത്. കഴിഞ്ഞ ദിവസം പയ്യാവൂർ - ഉളിക്കൽ റോഡിൽ കാക്കത്തോട് നടത്തിയ വാഹന പരിശോധനക്കിടെയാണ് പ്രതികൾ പിടിയിലായത്. മദ്യം കടത്തിയ കാർ എക്സൈസ് സംഘം കസ്റ്റഡിയിലെടുത്തു. പ്രതികളെ കാർ സഹിതം കോടതിയിൽ ഹാജരാക്കി. പ്രിവൻറിവ് ഓഫിസർമാരായ പി.ആർ. ജീവ്, ജോർജ് ഫെർണാണ്ടസ്, സി.ഇ.ഒമാരായ ടി.ഒ. വിനോദ്, എം.വി. അഷറഫ്, ഉല്ലാസ് ജോസ്, അബ്ദുൽ ലത്തീഫ്, എം.എം. ഷഫീഖ്, ഡ്രൈവർ കേശവൻ എന്നിവരും സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.