പയ്യന്നൂർ: പരിയാരം ഗവ. ആയുർവേദ കോളജിലെ എക്സ്റേ യൂനിറ്റ് ചൊവ്വാഴ്ച മുതൽ പ്രവർത്തിക്കും. അവധിയിൽപോയ ടെക്നീഷ്യനുപകരം ദിവസവേതനത്തിന് ടെക്നീഷ്യനെ നിയമിക്കാൻ ഉത്തരവായി. യൂനിറ്റ് അടച്ചുപൂട്ടിയത് സംബന്ധിച്ച് കഴിഞ്ഞ ദിവസം 'മാധ്യമം' വാർത്ത നൽകിയിരുന്നു. ഇത് ശ്രദ്ധയിൽപ്പെട്ട ആരോഗ്യ വകുപ്പ് പകരം സംവിധാനം ഏർപ്പെടുത്താൻ നിർദേശിക്കുകയായിരുന്നു. ഒരു മാസത്തെ അവധിയിലാണ് ടെക്നീഷ്യൻ. സ്ഥിരം ജീവനക്കാരൻ അവധിയിൽ പ്രവേശിച്ചാൽ ദിവസക്കൂലിക്ക് ടെക്നീഷ്യനെവെച്ച് പകരം സംവിധാനം ഏർപ്പെടുത്തണമെന്നാണ് ചട്ടം. ആശുപത്രി വികസന സമിതിക്ക് ഇതിന് അധികാരമുണ്ട്. എന്നാൽ, പകരം സംവിധാനമേർപ്പെടുത്താതെ യൂനിറ്റ് അടച്ചുപൂട്ടിയ നടപടി പ്രതിഷേധത്തിനിടയാക്കിയിരുന്നു. എന്നാൽ, പകരം ടെക്നീഷ്യനെ നിയമിക്കാൻ നടപടി സ്വീകരിച്ചതായും കൂടിക്കാഴ്ചക്ക് ആരും വരാത്തതിനാലാണ് നിയമിക്കാതിരുന്നതെന്നും ആയുർവേദ കോളജ് ലേ സെക്രട്ടറി ഹരിദാസ് കരിവെള്ളൂർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.