കണ്ണൂർ: സംസ്ഥാന പട്ടികജാതി-വർഗ വികസന കോർപറേഷൻ നടപ്പാക്കുന്ന പുതിയ കൃഷിഭൂമി വായ്പാപദ്ധതിയിൽ കർഷകത്തൊഴിലാളികളിൽനിന്ന് അപേക്ഷ ക്ഷണിച്ചു. അഞ്ചു ലക്ഷം രൂപയാണ് പദ്ധതിത്തുക. അപേക്ഷകർ പട്ടികജാതിയിൽപെട്ടവരും 21നും 55നും ഇടയിൽ പ്രായമുള്ളവരുമാകണം. കുടുംബ വാർഷികവരുമാനം ഗ്രാമപ്രദേശങ്ങളിൽ 98,000 രൂപയും നഗരപ്രദേശങ്ങളിൽ 1.20 ലക്ഷവും കവിയരുത്. വായ്പ ലഭിക്കുന്നവർ വായ്പാത്തുക കൊണ്ട് വരുമാനദായകമായ 30 സെൻറ് കൃഷിഭൂമിയെങ്കിലും വാങ്ങണം. പരമാവധി 50,000 രൂപവരെ സബ്സിഡി ലഭിക്കും. അപേക്ഷാഫോറവും കൂടുതൽ വിവരങ്ങളും ബന്ധപ്പെട്ട ജില്ല ഓഫിസുകളിൽനിന്ന് ലഭിക്കും. പൂരിപ്പിച്ച അപേക്ഷ, ജാതി, കുടുംബ വാർഷിക വരുമാനം (ആറു മാസത്തിനുള്ളിൽ ലഭിച്ചത്), വയസ്സ് എന്നിവ തെളിയിക്കുന്ന രേഖകളുടെ പകർപ്പ് സഹിതം ഈ മാസം 20ന് വൈകീട്ട് അഞ്ചിനകം ജില്ല ഓഫിസിൽ ലഭിക്കണം. ഫോൺ: 0497 2705036.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.