പയ്യന്നൂർ: ട്രെയിൻ യാത്രക്കാരെൻറ പണവും നിരവധി രേഖകളും അടങ്ങിയ പഴ്സ് കവർന്ന് മോഷ്ടാവ് കടന്നുകളഞ്ഞു. ശനിയാഴ്ച രാവിലെ പയ്യന്നൂർ റെയിൽേവ സ്റ്റേഷനിലാണ് സംഭവം. തൃശൂർ സ്വദേശി വി. വിനീത്കുമാറിെൻറ പഴ്സാണ് കവർന്നത്. ഇലക്ട്രീഷ്യനായ വിനീത്കുമാർ പയ്യന്നൂർ കേളോത്തുള്ള ഭാര്യവീട്ടിൽ എത്തിയതായിരുന്നു. രാവിലെ കോഴിക്കോട്ടേക്ക് പോകാനായി പയ്യന്നൂർ റെയിൽേവ സ്റ്റേഷനിൽനിന്ന് നേത്രാവതി എക്സ്പ്രസിൽ കയറുന്നതിനിടയിലുണ്ടായ തിരക്കിലാണ് പഴ്സ് കവർന്നത്. ട്രെയിനിൽ കയറിയ ഉടൻ സംശയം തോന്നി നോക്കിയപ്പോഴാണ് വിവരം അറിഞ്ഞത്. വണ്ടി മുന്നോട്ടുനീങ്ങുന്നതിനിടയിൽ ഒരാൾ ചാടി ഇറങ്ങുന്നത് കണ്ടപ്പോൾ വിനീത്കുമാറും ഇറങ്ങി പിറകെ ഓടി പിടികൂടാൻ ശ്രമിച്ചെങ്കിലും മോഷ്ടാവ് കടന്നുകളയുകയായിരുന്നു. പയ്യന്നൂർ പൊലീസിൽ പരാതി നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.