ബൈപാസ് വിരുദ്ധ സമരം ദലിത് കുടുംബങ്ങളെ ആട്ടിപ്പായിക്കരുത് -സി.പി. ജോൺ പാപ്പിനിശ്ശേരി: പാപ്പിനിശ്ശേരി-തുരുത്തി പ്രദേശത്ത് കഷ്ടപ്പെട്ട് ജീവിക്കുന്ന ദലിത് കുടുംബങ്ങളെ ആട്ടിപ്പായിക്കുന്ന തീരുമാനം സർക്കാർ എടുക്കരുതെന്ന് സമരപ്പന്തൽ സന്ദർശിച്ച് സി.എം.പി കേന്ദ്ര കമ്മിറ്റി അംഗം സി.പി. ജോൺ പറഞ്ഞു. ചിലരുടെ താൽപര്യത്തിനുവേണ്ടി ദലിതരുടെ ഒന്നാകെ ആട്ടിപ്പായിക്കുന്ന തീരുമാനം അംഗീകരിക്കാനാവില്ല. പുതിയ പാത എന്തിനാണ് എസ് ആകൃതിയിൽ വളച്ചുവെച്ചിരിക്കുന്നത്. കഴിവതും നേരെയാണ് പാത പണിയേണ്ടത്. വളഞ്ഞുപുളഞ്ഞ് പോയാൽ ഭാവിയിൽ വീണ്ടും ഒരു പാതകൂടി ആവശ്യമായി വരും. അതുകൊണ്ട് തുരുത്തി കോളനിയിൽനിന്ന് ഇവരെ തട്ടിമാറ്റാതെയുള്ള തീരുമാനത്തിൽ സർക്കാർ എത്തണമെന്നും അദ്ദേഹം ആവശ്യപ്പെട്ടു. സി. അജീർ, മാണിക്കര ഗോവിന്ദൻ, പൂക്കുട്ടി കുമാരൻ, സി.വി. ഗോപിനാഥൻ, കെ. രവീന്ദ്രൻ, രാജൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.