കണ്ണൂർ: കണ്ണൂർ കോർപറേഷനു കീഴിലെ അയ്യങ്കാളി തൊഴിലുറപ്പ് പദ്ധതിയുടെ തൊഴിൽകാർഡ് വിതരണോദ്ഘാടനം മേയർ ഇ.പി. ലത നിർവഹിച്ചു. കോർപറേഷനു കീഴിൽ 898 പേർക്കാണ് കാർഡ് നൽകുന്നത്. ഒാരോ കുടുംബത്തിലെയും പ്രായപൂർത്തിയായ ഒരാൾക്ക് ഒരു വർഷം കുറഞ്ഞത് നൂറ് തൊഴിൽദിനങ്ങളെങ്കിലും നൽകുകയാണ് ലക്ഷ്യം. 2017-18 കാലത്തെ പദ്ധതിയിലുൾപ്പെടുത്തിയാണ് നടപടി. ഇതിനായി 88 ലക്ഷം രൂപയാണ് അനുവദിച്ചത്. ചടങ്ങിൽ ഡെപ്യൂട്ടി മേയർ പി.കെ. രാഗേഷ് അധ്യക്ഷത വഹിച്ചു. സ്ഥിരംസമിതി അധ്യക്ഷരായ പി. ഇന്ദിര, ടി.ഒ. മോഹനൻ, സി. സീനത്ത്, സി.കെ. വിനോദ്, ഷാഹിന മൊയ്തീൻ, കൗൺസിലർ എൻ. ബാലകൃഷ്ണൻ മാസ്റ്റർ എന്നിവർ സംസാരിച്ചു. ക്ഷേമകാര്യ സ്ഥിരംസമിതി അധ്യക്ഷൻ വെള്ളോറ രാജൻ സ്വാഗതവും കോർപറേഷൻ അസി. സെക്രട്ടറി സാജു നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.