മാഹി: സർദാർ ചന്ദ്രോത്ത് മെമ്മോറിയൽ ട്രസ്റ്റിെൻറ 'സ്കർഫ് ഉത്സവ് -മയിൽപീലി 2018' ദ്വിദിന സഹവാസ ക്യാമ്പ് മാഹി കോഓപറേറ്റിവ് ബി.എഡ് കോളജിലും മാഹി ഗവ. ഫ്രഞ്ച് ഹൈസ്കൂളിലുമായി തുടങ്ങി. മൂന്ന് ജില്ലകളിൽനിന്നുള്ള തെരഞ്ഞെടുക്കപ്പെട്ട അഞ്ച് മുതൽ 10 വരെ ക്ലാസുകളിലെ 500ഓളം കുട്ടികളാണ് എട്ട് ഗ്രൂപ്പുകളായി ക്യാമ്പിൽ പങ്കെടുക്കുന്നത്. നാടൻപാട്ട്, നാടകം, നാട്ടു മലയാളം, നാടകക്കളരി, ഒറിഗാമി തുടങ്ങിയവയിലാണ് ക്ലാസുകൾ നടക്കുന്നത്. രമേശൻ കാവിൽ, മഹേഷ് തെക്കോടി, ലിനീഷ് നരയൻകുളം, ഹാഫിസ് മുഹമ്മദ്, എൻ.കെ. എടക്കയിൽ, ശ്രീനി എടച്ചേരി, എൻ.പി. ശശികുമാർ, ബിജു അരിക്കുളം, ഗിരീഷ് കൊയിലാണ്ടി, പ്രദീപൻ അരിക്കുളം, സജീവൻ കൊയിലാണ്ടി, കെ.പി. രാമകൃഷ്ണൻ, ഇ. കുഞ്ഞികൃഷ്ണൻ എന്നിവർ ക്ലാസെടുത്തു. ക്യാമ്പ് ഡയറക്ടർ ഡോ.എം.കെ. മധുസൂദനെൻറ നേതൃത്വത്തിലാണ് ക്യാമ്പ് നടക്കുന്നത്. മാഹി ഗവ. ഫ്രഞ്ച് ഹൈസ്കൂൾ അങ്കണത്തിൽ ഞായറാഴ്ച ഉച്ച 2.30ന് മുൻ ഗവർണർ കെ. ശങ്കരനാരായണൻ സമാപന സമ്മേളനം ഉദ്ഘാടനം ചെയ്യും. ചിത്രകാരൻ പുണിഞ്ചിത്തായ മുഖ്യപ്രഭാഷണം നിർവഹിക്കും. ട്രസ്റ്റ് ചെയർമാൻ മുൻ എം.പി കെ.സുധാകരൻ അധ്യക്ഷത വഹിക്കും. ടി.എച്ച്.ബാലൻ മൊകേരി അവാർഡ് ദാനം, സ്കർഫ് സ്കോളർഷിപ് വിതരണം എന്നിവയും നടക്കും. അവാർഡ് ജേതാവ് ചിത്രകാരൻ കെ.കെ.മാരാർക്ക് മുൻ മന്ത്രി ഇ.വത്സരാജ് സംഘാടക സമിതിയുടെ ഉപഹാരം സമ്മാനിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.