തലശ്ശേരി: ടെലിച്ചറി ടൗൺ ക്രിക്കറ്റ് ക്ലബിെൻറയും ധർമടം സീഗൾസ് ക്രിക്കറ്റ് ക്ലബിെൻറയും ആഭിമുഖ്യത്തിൽ നടക്കുന്ന ബാബു അച്ചാരത്ത് മെമ്മോറിയൽ രണ്ടാമത് ഓൾ കേരള പിങ്ക് ബാൾ ട്വൻറി 20 ക്രിക്കറ്റ് ടൂർണമെൻറിെൻറ ഫൈനലിൽ തലശ്ശേരി ബി.കെ 55 ക്രിക്കറ്റ് ക്ലബ് ധർമടം സീഗൾസ് ക്രിക്കറ്റ് ക്ലബിനെ നേരിടും. ശനിയാഴ്ച നടന്ന ആദ്യസെമിയിൽ തലശ്ശേരി ബി.കെ 55 ക്രിക്കറ്റ് ക്ലബ് 80 റൺസിന് തലശ്ശേരി ജനുവിൻ െഗയ്സ് ക്രിക്കറ്റ് ക്ലബിനെ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത ബി.കെ 55 ക്രിക്കറ്റ് ക്ലബ് നിശ്ചിത 20 ഓവറിൽ ഏഴു വിക്കറ്റ് നഷ്ടത്തിൽ 174 റൺസെടുത്തു. മറുപടിയായി ജനുവിൻ െഗയ്സ് ക്രിക്കറ്റ് ക്ലബ് 15.5 ഓവറിൽ 94 റൺസിന് എല്ലാവരും പുറത്തായി. 56 റൺസും ഒരു വിക്കറ്റും നേടി ബി.കെ 55 ക്രിക്കറ്റ് ക്ലബിെൻറ എ.കെ. രാഹുൽ ദാസ് കളിയിലെ താരമായി. രണ്ടാം സെമിയിൽ ധർമടം സീഗൾസ് ക്രിക്കറ്റ് ക്ലബ് ആറു വിക്കറ്റിന് തലശ്ശേരി ലജൻഡ്സ് ക്രിക്കറ്റ് ക്ലബിനെ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത ലജൻഡ്സ് ക്രിക്കറ്റ് ക്ലബ് നിശ്ചിത 20 ഓവറിൽ ഒമ്പതു വിക്കറ്റ് നഷ്ടത്തിൽ 108 റൺസെടുത്തു. മറുപടിയായി സീഗൾസ് ക്രിക്കറ്റ് ക്ലബ് 17.5 ഓവറിൽ നാലു വിക്കറ്റ് നഷ്ടത്തിൽ വിജയലക്ഷ്യം നേടി. നാലു വിക്കറ്റ് വീഴ്ത്തിയ സീഗൾസ് ക്രിക്കറ്റ് ക്ലബ് താരം പി.പി. ബദ്ദറുദ്ദീൻ കളിയിൽ തിളങ്ങി. ഫൈനൽ മത്സരം ഞായറാഴ്ച രാവിലെ 10ന് തലശ്ശേരി കോണോർവയൽ ക്രിക്കറ്റ് സ്റ്റേഡിയത്തിൽ നടക്കും. സമാപനച്ചടങ്ങിൽ കേരള ക്രിക്കറ്റ് അസോസിയേഷൻ സെക്രട്ടറി ജയേഷ് ജോർജ് മുഖ്യാതിഥിയാകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.