കണ്ണൂർ: 11 വയസ്സുകാരിയെ പീഡിപ്പിക്കാൻ ശ്രമിച്ച കേസിൽ ഒരാൾ അറസ്റ്റിൽ. ആറ്റടപ്പ കെട്ടറക്കൽ ഹൗസിൽ സുന്ദരൻ (43) ആണ് അറസ്റ്റിലായത്. വീടിനടുത്ത് കൂട്ടുകാരോടൊപ്പം കളിക്കുകയായിരുന്ന പെൺകുട്ടിയെ കൂട്ടിക്കൊണ്ടുപോയി പീഡിപ്പിക്കാൻ ശ്രമിക്കുകയായിരുന്നു. പെൺകുട്ടിയുടെ വീടിനടുത്തുള്ള ഒരു സ്ത്രീ കണ്ടതിനെ തുടർന്ന് വീട്ടുകാരെ അറിയിക്കുകയും പൊലീസിൽ പരാതി നൽകുകയുമായിരുന്നു. തുടർന്ന് എടക്കാട് എസ്.ഐ മഹേഷ് കണ്ടമ്പത്ത് ഇയാളെ അറസ്റ്റു ചെയ്തു. പിന്നീട് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. നാല് മാസം മുമ്പും പെൺകുട്ടിയെ ഇയാൾ സമാനരീതിയിൽ ഉപദ്രവിക്കാൻ ശ്രമിച്ചിരുന്നു. അന്ന് കുട്ടി ശ്രമത്തെ എതിർത്ത് ഓടിപ്പോവുകയായിരുന്നുവത്രേ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.