കാഞ്ഞങ്ങാട്: മധ്യവേനലവധിക്കുശേഷം ജൂണിൽ അധ്യയനവർഷം ആരംഭിക്കുന്നതിനു മുന്നോടിയായി സ്കൂൾവാഹനങ്ങളുടെ പരിശോധന മേയ് ഒമ്പത്, 16 തീയതികളിൽ നടത്തും. വെള്ളരിക്കുണ്ട് താലൂക്കിന് കീഴിൽവരുന്ന സ്കൂളുകൾ മേയ് ഒമ്പതിന് രാവിലെ ഒമ്പതിന് ബിരിക്കുളം എ.യു.പി സ്കൂൾഗ്രൗണ്ടിലും ഹോസ്ദുർഗ് താലൂക്കിനു കീഴിലെ സ്കൂളുകൾ മേയ് 16ന് രാവിലെ ഒമ്പതിന് ഗുരുവനം ടെസ്റ്റിങ് ഗ്രൗണ്ടിലും അറ്റകുറ്റപ്പണികൾക്കുശേഷം ഒറിജിനൽ രേഖകൾ, ഡ്രൈവിങ് ലൈസൻസ് എന്നിവസഹിതം വാഹനങ്ങൾ ഹാജരാകണം. ഏപ്രിൽ, മേയ് മാസങ്ങളിൽ ഫിറ്റ്നസ് പരിശോധന വിജയിച്ച വാഹനങ്ങൾ ഹാജരാക്കേണ്ടതില്ല. പരിശോധനക്ക് ഹാജരാക്കാത്ത വാഹനങ്ങളെ ജൂൺ ഒന്ന് മുതൽ സർവിസ് നടത്താൻ അനുവദിക്കുകയില്ലെന്ന് ജോ.ആർ.ടി.ഒ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.