തലശ്ശേരി: ബാബു അച്ചാരത്ത് മെമ്മോറിയൽ രണ്ടാമത് പിങ്ക് ബാൾ ഓൾ കേരള ട്വൻറി- 20 ക്രിക്കറ്റ് ടൂർണമെൻറിൽ ആദ്യ ക്വാർട്ടർ ഫൈനലിൽ തലശ്ശേരി ജനുവിൻ െഗയ്സ് ക്രിക്കറ്റ് ക്ലബ് അഞ്ചു വിക്കറ്റിന് തലശ്ശേരി ഹോപ്പേഴ്സ് ക്രിക്കറ്റ് ക്ലബിനെ പരാജയപ്പെടുത്തി സെമിയിൽ പ്രവേശിച്ചു. ടോസ് നഷ്ടപ്പെട്ട് ആദ്യം ബാറ്റ് ചെയ്യേണ്ടിവന്ന ഹോപ്പേഴ്സ് ക്രിക്കറ്റ് ക്ലബ് നിശ്ചിത 20 ഓവറിൽ എട്ടു വിക്കറ്റ് നഷ്ടത്തിൽ 120 റൺസെടുത്തു. മറുപടിയായി ജനുവിൻ െഗയ്സ് ക്രിക്കറ്റ് ക്ലബ് 15.2 ഓവറിൽ അഞ്ചു വിക്കറ്റ് നഷ്ടത്തിൽ വിജയലക്ഷ്യം നേടി. 31 റൺസും രണ്ടു വിക്കറ്റും നേടി ജനുവിൻ െഗയ്സ് ക്രിക്കറ്റ് ക്ലബ് താരം സി.എച്ച്. റഷ്ബാൻ കളിയിലെ താരമായി. രണ്ടാം ക്വാർട്ടർ ഫൈനലിൽ തലശ്ശേരി ബി.കെ 55 ക്രിക്കറ്റ് ക്ലബ് ആറു വിക്കറ്റിന് കോഴിക്കോട് സസക്സ് ക്രിക്കറ്റ് ക്ലബിനെ പരാജയപ്പെടുത്തി സെമിയിൽ പ്രവേശിച്ചു. ടോസ് നേടി ആദ്യം ബാറ്റ് ചെയ്ത സസക്സ് ക്രിക്കറ്റ് ക്ലബ് നിശ്ചിത 20 ഓവറിൽ ഒമ്പതു വിക്കറ്റ് നഷ്ടത്തിൽ 117 റൺസെടുത്തു. മറുപടിയായി ബി.കെ 56 ക്രിക്കറ്റ് ക്ലബ് 19.5 ഓവറിൽ നാലു വിക്കറ്റ് നഷ്ടത്തിൽ വിജയലക്ഷ്യം നേടി. പുറത്താകാതെ 27 റൺസ് നേടി ബി.കെ 55 ക്രിക്കറ്റ് ക്ലബ് താരം മൊഹസിൻ നടമ്മൽ കളിയിൽ തിളങ്ങി. വെള്ളിയാഴ്ചത്തെ മത്സരത്തിൽ മൂന്നാം ക്വാർട്ടർ ഫൈനലിൽ തലശ്ശേരി ലജൻഡ്സ് ക്രിക്കറ്റ് ക്ലബ് കണ്ണൂർ യുനൈറ്റഡ് ക്രിക്കറ്റ് ക്ലബിനെയും നാലാം ക്വാർട്ടർ ഫൈനലിൽ ധർമടം സീഗൾസ് ക്രിക്കറ്റ് ക്ലബ് കബിൽ അപ്പാച്ചി ക്രിക്കറ്റ് ക്ലബിനെയും നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.