കാഞ്ഞങ്ങാട്: കക്കാട്ട് ഗവ. ഹയർസെക്കൻഡറി സ്കൂൾ വിദ്യാർഥികൾ എസ്.എസ്.എൽ.സിക്ക് നൂറുമേനി കൊയ്യുന്നത് 15ാം തവണ. പരീക്ഷയെഴുതിയ 136 വിദ്യാർഥികളും മികച്ചവിജയം കൈവരിച്ചു. ഇതിൽ 18 പേർ മുഴുവൻ വിഷയങ്ങളിലും എ പ്ലസ് നേടി. വായനശാലകളിലും കലാസമിതികളിലും പാർട്ടി ഒാഫിസുകളിലും മറ്റുമായി ജൂൺമാസത്തോടെ പ്രവർത്തനമാരംഭിക്കുന്ന പ്രാദേശിക പഠനകേന്ദ്രങ്ങൾ വിദ്യാർഥികൾക്ക് വലിയ പിന്തുണയാണ് നൽകുന്നത്. മാർച്ച് വരെ സജീവമായി പ്രവർത്തിക്കുന്ന പഠനകേന്ദ്രങ്ങളെ നയിക്കുന്നവർ പഠനത്തിൽ പിന്നാക്കമുള്ളവരെ പ്രത്യേകം നോട്ടമിടും. ഒന്നാംസ്ഥാനക്കാരാക്കാൻ കഠിനപരിശീലനം നൽകും. ഇത്തവണ രോഗബാധിതയായി സ്കൂളിലെത്താൻ കഴിയാഞ്ഞ വിദ്യാർഥിനിയെപ്പോലും പഠിപ്പിച്ച് പരീക്ഷക്കിരുത്താൻ കഴിഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.