കേളകം: കൊട്ടിയൂരിലെ ജനവാസകേന്ദ്രത്തിൽ കൂടുകൂട്ടി മുട്ടയിട്ട രാജവെമ്പാലയെ കണ്ടതോടെ സമീപവാസികൾ ഭയത്തോടെയാണ് കഴിയുന്നത്. കൊട്ടിയൂർ വെങ്ങലോടിയിൽ കുറ്റിമാക്കൽ ചാക്കോയുടെ പുരയിടത്തിലെ തോടിനുസമീപത്തെ ഓടക്കൂട്ടത്തിനിടയിലാണ് 10 മീറ്ററോളം നീളമുള്ള രാജവെമ്പാല മുട്ടയിട്ടു വിരിയിക്കാൻ കരിയിലകൾകൊണ്ട് കൂടൊരുക്കി കിടക്കുന്നത്. കൃഷിയിടത്തിൽ ഓട വെട്ടാനായി എത്തിയ പത്ര ഏജൻറായ സാജനാണ് രാജവെമ്പാലയെ ആദ്യം കണ്ടത്. സമീപത്തായി മറ്റൊന്നിനെയും കണ്ടു. പിന്നീട് വീട്ടുകാരെയും വനംവകുപ്പ് ജീവനക്കാരെ അറിയിക്കുകയുംചെയ്തു. എന്നാൽ, വനംവകുപ്പ് ഉദ്യോഗസ്ഥർ സ്ഥലത്തെത്തി രാവിലെയെത്താം എന്നറിയിച്ചു മടങ്ങുകയായിരുന്നു. കരിയിലകൾ കൂടുപോലെ കൂട്ടി അതിനു മുകളിൽ ചുറ്റിക്കിടക്കുകയാണ് രാജവെമ്പാല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.