കണ്ണൂർ: പള്ളിക്കുന്ന് സ്വദേശിനിയായ വീട്ടമ്മയുടെ താലിമാല പൊട്ടിച്ചെടുത്ത പ്രതിയെ പൊലീസ് മണിക്കൂറുകൾക്കകം പിടികൂടി. വിജയലക്ഷ്മിയുടെ സ്വർണമാലയാണ് പള്ളിക്കുന്ന് സ്വദേശിയായ ലിജിത്ത് പൊട്ടിച്ചെടുത്തത്. മാല പൊട്ടിച്ച ഉടൻ സംഭവസ്ഥലത്തുനിന്ന് രക്ഷപ്പെട്ട ലിജിത്തിനെ വിജയലക്ഷ്മിയുടെ സഹായത്തോടെ തിരിച്ചറിഞ്ഞ പൊലീസ് വൈകീട്ട് പള്ളിക്കുന്നിൽനിന്ന് പിടികൂടി. ലിജിത്ത് മാല പൊട്ടിക്കാനായെത്തിയപ്പോൾ ഒരു സ്ത്രീയും ഒപ്പമുണ്ടായിരുന്നതായി വിജയലക്ഷ്മി പൊലീസിനോട് പറഞ്ഞതായാണ് വിവരം. എന്നാൽ, ഇതുസംബന്ധിച്ച് കൂടുതൽ വിവരങ്ങൾ ലഭ്യമായിട്ടില്ല. കോടതിയിൽ ഹാജരാക്കിയ ലിജിത്തിനെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.