തലശ്ശേരി: കോണോർവയൽ ക്രിക്കറ്റ് സ്റ്റേഡിയത്തിൽ നടക്കുന്ന ബാബു അച്ചാരത്ത് മെമ്മോറിയൽ രണ്ടാമത് പിങ്ക് ബാൾ ഓൾ കേരള ട്വൻറി- 20 ക്രിക്കറ്റ് ടൂർണമെൻറിൽ കോഴിക്കോട് സസക്സ് ക്രിക്കറ്റ് ക്ലബ് 50 റൺസിന് കൂത്തുപറമ്പ് രഞ്ജി ക്രിക്കറ്റ് ക്ലബിനെ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത സസക്സ് ക്രിക്കറ്റ് ക്ലബ് നിശ്ചിത 20 ഓവറിൽ എട്ടു വിക്കറ്റ് നഷ്ടത്തിൽ 149 റൺസെടുത്തു. മറുപടിയായി രഞ്ജി ക്രിക്കറ്റ് ക്ലബ് 18.2 ഓവറിൽ 99 റൺസിന് എല്ലാവരും പുറത്തായി. 73 റൺസും ഒരു വിക്കറ്റും നേടി സസക്സ് ക്രിക്കറ്റ് ക്ലബ് താരം സഞ്ജു സഞ്ജീവ് കളിയിൽ തിളങ്ങി. മറ്റൊരു മത്സരത്തിൽ തലശ്ശേരി ബി.കെ 55 ക്രിക്കറ്റ് ക്ലബ് 67 റൺസിന് കോഴിക്കോട് ലജൻഡ്സ് ക്രിക്കറ്റ് അക്കാദമിയെ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത ബി.കെ 55 ക്രിക്കറ്റ് ക്ലബ് നിശ്ചിത 20 ഓവറിൽ ആറു വിക്കറ്റ് നഷ്ടത്തിൽ 168 റൺസെടുത്തു. മറുപടിയായി ലജൻഡ്സ് ക്രിക്കറ്റ് അക്കാദമി 19.1 ഓവറിൽ 101 റൺസിന് എല്ലാവരും പുറത്തായി. പുറത്താകാതെ 60 റൺസും നാലു വിക്കറ്റും നേടി ബി.കെ 55 ക്രിക്കറ്റ് ക്ലബ് താരം എ.കെ. രാഹുൽദാസ് മികച്ച താരമായി. വ്യാഴാഴ്ചത്തെ മത്സരത്തിൽ ആദ്യ ക്വാർട്ടർ ഫൈനലിൽ തലശ്ശേരി ജനുവിൻ െഗയ്സ് ക്രിക്കറ്റ് ക്ലബ് തലശ്ശേരി ഹോപ്പേഴ്സ് ക്രിക്കറ്റ് ക്ലബിനെയും രണ്ടാമത്തെ ക്വാർട്ടർ ഫൈനലിൽ തലശ്ശേരി ബി.കെ 55 ക്രിക്കറ്റ് ക്ലബ് കോഴിക്കോട് സസക്സ് ക്രിക്കറ്റ് ക്ലബിനെയും നേരിടും. ചൊവ്വാഴ്ച നടന്ന മത്സരത്തിൽ തലശ്ശേരി ഹോപ്പേഴ്സ് ക്രിക്കറ്റ് ക്ലബ് ഒമ്പത് റൺസിന് കോഴിക്കോട് ലാമിർ സുപ്രീം ക്ലബിനെയും ധർമടം സീഗൾസ് ക്രിക്കറ്റ് ക്ലബ് 88 റൺസിന് കണ്ണാടിപ്പറമ്പ് ഫ്രൻഡ്സ് ക്രിക്കറ്റ് ക്ലബിനെയും പരാജയപ്പെടുത്തി. 37 റൺസും നാലു വിക്കറ്റും നേടി ഫ്രണ്ട്സ് ക്രിക്കറ്റ് ക്ലബ് താരം ഷിേൻറാ തോമസും 61 റൺസ് നേടി ഹോപ്പേഴ്സ് താരം അസീമും കളിയിലെ താരങ്ങളായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.