തലശ്ശേരി: മാതാപിതാക്കളെ വിഷം നൽകി കൊലപ്പെടുത്തിയ കേസിൽ റിമാൻഡിൽ കഴിയുന്ന പടന്നക്കര വണ്ണത്താൻ വീട്ടിൽ സൗമ്യയെ (28) മകൾ ഐശ്വര്യയെ കൊലപ്പെടുത്തിയ കേസിലും അന്വേഷണ സംഘം അറസ്റ്റ് ചെയ്തു. പിതാവ് കുഞ്ഞിക്കണ്ണൻ, മാതാവ് കമല എന്നിവരെ കൊലപ്പെടുത്തിയ കേസിൽ അറസ്റ്റിലായ സൗമ്യ കണ്ണൂർ വനിത ജയിലിൽ റിമാൻഡിലാണ്. അന്വേഷണ ഉദ്യോഗസ്ഥനായ ടൗൺ സി.െഎ കെ.ഇ. പ്രേമചന്ദ്രെൻറ നേതൃത്വത്തിൽ കണ്ണൂർ വനിത ജയിലിൽ എത്തിയാണ് അറസ്റ്റ് രേഖപ്പെടുത്തിയത്. ഇൗ കേസിൽ കൂടുതൽ ചോദ്യം ചെയ്യുന്നതിനായി സൗമ്യയെ കസ്റ്റഡിയിൽ വിട്ടുകിട്ടുന്നതിന് ബുധനാഴ്ച തലശ്ശേരി കോടതിയിൽ അപേക്ഷ നൽകുമെന്ന് സി.െഎ പറഞ്ഞു. ഐശ്വര്യയുടെ ആന്തരികാവശിഷ്ടങ്ങളുടെ പരിശോധനയിൽ വിഷാംശം കലർന്നതായി കണ്ടെത്തിയിരുന്നു. ഇതേത്തുടർന്ന് സൗമ്യയെ പ്രതിചേർത്ത് ധർമടം പൊലീസ് കൊലക്കുറ്റത്തിന് കേസെടുത്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.