തലശ്ശേരി: ബാബു അച്ചാരത്ത് മെമ്മോറിയൽ രണ്ടാമത് പിങ്ക് ബാൾ ഓൾ കേരള ട്വൻറി-20 ക്രിക്കറ്റ് ടൂർണമെൻറിൽ കമ്പിൽ അപ്പാച്ചി ക്രിക്കറ്റ് ക്ലബ് രണ്ട് വിക്കറ്റിന് ബൗൺസർ ക്രിക്കറ്റ് ക്ലബിനെ പരാജയപ്പെടുത്തി. നാല് വിക്കറ്റും 44 റൺസും നേടി അപ്പാച്ചി ക്രിക്കറ്റ് ക്ലബ് താരം എൻ. അമീർ ഷാൻ കളിയിലെ താരമായി. രണ്ടാമത്തെ മത്സരത്തിൽ കൊടുവള്ളി ജനുവിൻ െഗയ്സ് ക്രിക്കറ്റ് ക്ലബ് രണ്ട് വിക്കറ്റിന് മലപ്പുറം ലോർഡ്സ് ക്രിക്കറ്റ് ക്ലബിനെ പരാജയപ്പെടുത്തി. 17 റൺസും രണ്ട് വിക്കറ്റും നേടി ജനുവിൻ െഗയ്സ് താരം കെ.ടി. മുഹമ്മദ് ഷാനിദ് കളിയിൽ തിളങ്ങി. ചൊവ്വാഴ്ചത്തെ മത്സരത്തിൽ കോഴിക്കോട് ലാമിർ സുപ്രീംക്ലബ് തലശ്ശേരി ഹോപ്പേഴ്സ് ക്രിക്കറ്റ് ക്ലബിനെയും ധർമടം സീഗൾസ് ക്രിക്കറ്റ് ക്ലബ് കണ്ണാടിപ്പറമ്പ് ഫ്രൻഡ്സ് ക്രിക്കറ്റ് ക്ലബിനെയും നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.