മംഗളൂരു: ഐ.എ.എസ് ഉദ്യോഗസ്ഥൻ അനുരാഗ് തെവാരിയുടെ ദുരൂഹമരണം സംബന്ധിച്ച കേസ് അന്വേഷിക്കുന്ന സി.ബി.ഐ സംഘം തെളിവുകൾതേടി കുടകിൽ. അദ്ദേഹം കുടക് ജില്ല ഡെപ്യൂട്ടി കമീഷണറായിരുന്ന 2013 ആഗസ്റ്റ് മുതൽ 2015 ജൂൺ വരെയുള്ള കാലയളവിലെ ബന്ധങ്ങളും പ്രവർത്തനങ്ങളുമാണ് അന്വേഷിക്കുന്നത്. 10 സി.ബി.ഐ ഉദ്യോഗസ്ഥരാണ് സുദർശന ഗെസ്റ്റ്ഹൗസിൽ തങ്ങി പരിശോധന നടത്തുന്നത്. ഗൺമാൻ, കോൺഫിഡൻഷ്യൽ അസിസ്റ്റൻറ് എന്നീ ചുമതലകൾ വഹിച്ചവരിൽനിന്ന് പ്രത്യേകം തെളിവെടുത്തു. കർണാടക ഭക്ഷ്യ-പൊതുവിതരണ കമീഷണറായി പ്രവർത്തിക്കുന്നതിനിടെ കഴിഞ്ഞവർഷം മേയ് 17നാണ് അനുരാഗ് യു.പിയിലെ ലഖ്നോവിൽ താമസിച്ച ഗെസ്റ്റ്ഹൗസ് പരിസരത്ത് മരിച്ചനിലയിൽ കണ്ടെത്തിയത്. ഔദ്യോഗിക പരിശീലനത്തിന് പോയതായിരുന്നു അദ്ദേഹം. ബന്ധുക്കളുടെ ആവശ്യം പരിഗണിച്ചാണ് കേസ് അന്വേഷണം യു.പി സർക്കാർ കഴിഞ്ഞ ജൂണിൽ സി.ബി.ഐക്ക് കൈമാറിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.